SBI కస్టమర్లు ఈ విషయం గ్రహించారా? ఆధార్​ పాన్​ లింక్ చేయకుంటే జరిగేది ఇదే!

SBI : ఇది స్టేట్​ బ్యాంక్​ ఆఫ్​ ఇండియా ఖాతాదారులకు మాత్రమే. మీరు SBI ఖాతాదారులైతే మీరు ఈ విషయం గ్రహించాలి. లేదంటే కొన్ని సమస్యలు వచ్చే అవకాశం వుంది. అదేమంటే, వచ్చే నెల అనగా మార్చి 31లోపు మీ ఆధార్​ కార్డుతో పాన్​ కార్డు లింక్​ చేయకుంటే మీ బ్యాంకింగ్​ సేవలు నిలిచిపోయే ప్రమాదం లేకపోలేదని హెచ్చరిస్తోంది సదరు బ్యాంకింగ్ యాజమాన్యం. మీరు మీ బ్యాంకింగ్ సేవలను రన్ చేయాలనుకుంటే సదరు గడువులోగా పాన్ -ఆధార్ లింక్ ప్రక్రియను పూర్తి ఈ క్షణమే పూర్తి చేస్తే మంచిది.

SBI : ఆధార్​ పాన్​ లింక్ చేయకుంటే జరిగేది ఇదే!

పైన తెలిపిన గడువులోగా ఆధార్​, పాన్​ లింక్ చేయకపోతే, పాన్​ ఇనాక్టివేట్​ అవ్వడమే కాకుండా మన SBI అకౌంట్ ద్వారా ఎటువంటి ట్రాన్సక్షన్లు చేయలేము. తద్వారా సౌకర్యంగా బ్యాంకింగ్ సేవల్ని కొనసాగించలేము. కాబట్టి నిరంతరాయంగా బ్యాంకింగ్ సేవను పొందటానికి పాన్‌ నంబర్​ను ఆధార్‌తో లింక్ చేయవలసిందే. వారు అడిగిన గడువులోగా ఆధార్​, పాన్​ లింక్ చేయకపోతే క్రెడిట్ కార్డు సర్వీసులను కూడా పొందడానికి వీలు లేకుండా పోతుంది. అందువల్ల కస్టమర్లు ఈ పని ముందుగా పూర్తి చేసుకోండి.

ఎందుకు చేయాలి?

ఆదాయ పన్ను చట్టం 1961 సెక్షన్ 139AA ప్రకారం, మార్చి 31లోపు ప్రతి కస్టమర్ కూడా పాన్​తో ఆధార్​ను లింక్ చేయడం తప్పనిసరి అని SBI యాజమాన్యం తెలిపింది. ఒకవేళ ఈ గడువులోగా ఈ ప్రక్రియ పూర్తి చేయకపోతే ఏప్రిల్ 1 నుంచి సదరు కస్టమర్ పాన్ ఇనాక్టివేట్​ అవుతుందని తెలిపారు. క్రెడిట్ కార్డ్‌ సర్వీసుని పొందాలంటే పాన్ కార్డు తప్పనిసరిగా యాక్టివేట్ ఉంచుకోవాలి. మరిన్ని వివరాలకు SBI వెబ్‌సైట్‌ ని సందర్శించగలరు.