పవన్ కళ్యాణ్ కెరీర్లో గబ్బర్ సింగ్ లాంటి సూపర్ డూపర్ హిట్ సినిమా ఇచ్చిన డైరెక్టర్ హరీష్ శంకర్ పవన్ కళ్యాణ్ అభిమానులకు ప్రత్యేకమైన అభిమానం అని అందరికీ తెలుసు. ఎందుకంటే హరీష్ శంకర్ కూడా పవన్ కళ్యాణ్ అభిమాని కాబట్టి. ఇదిలా ఉంటే ప్రస్తుతం మళ్లీ పవన్ కళ్యాణ్ హరీష్ శంకర్ దర్శకత్వంలో… ఓ సరికొత్త సబ్జెక్టుతో సినిమా చేస్తున్నట్లు అధికారికంగా ఇటీవల ప్రకటించడం జరిగింది.
అయితే సినిమాకి సంబంధించి స్టోరీ ఏంటి అన్న దాని పై రకరకాల వార్తలు సోషల్ మీడియా లో చక్కర్లు కొడుతున్నాయి. తాజాగా ఈ సినిమాలో జనసేన క్యాడర్ కి మంచి ఊపు ఇచ్చే సీన్ ఒకటి ప్రత్యేకంగా హరీష్ ఉండేలాగా రాసినట్లు తాజాగా టాక్ వస్తోంది. ఈ సీన్ నిజంగా సినిమాకి హైలెట్ అవ్వటమే కాక పవన్ కళ్యాణ్ పొలిటికల్ కెరియర్ కి ఎంతగానో బూస్ట్ ఇచ్చే విధంగా ఉంటుందని ఫిలిం వర్గాలు అంటున్నాయి. ఇదిలా ఉంటే దాదాపు రెండు సంవత్సరాల తర్వాత పవన్ కళ్యాణ్ వెండితెరపై కనిపించనున్న క్రమంలో… పవన్ ఒప్పుకుంటున్న సినిమాలపై భారీ స్థాయిలో అంచనాలు నెలకొన్నాయి.
ప్రస్తుతం వేణు శ్రీరామ్ దర్శకత్వంలో నటించిన రీఎంట్రీ మూవీ వకీల్ సాబ్ షూటింగ్ మొత్తం కంప్లీట్ కావడంతో వచ్చే సమ్మర్ కి సినిమా రిలీజ్ చేసే ఆలోచనలో నిర్మాత దిల్ రాజు ఉన్నారట. అంతే కాకుండా సంక్రాంతి పండుగకు సినిమాకి సంబంధించి టీజర్ లాంచ్ చేసే ఆలోచనలో సినిమా యూనిట్ ఉండటంతో… ఈ టీజర్ తో సోషల్ మీడియాలో సరికొత్త రికార్డులు క్రియేట్ చేయాలి అని మరోపక్క అభిమానులు ఆసక్తిగా ఎదురుచూస్తున్నారు. ఏది ఏమైనా పవన్ కళ్యాణ్ కి సంబంధించి సినిమా అప్ డేట్స్ మాత్రం అభిమానులలో రోజురోజుకీ ఉత్కంఠను పెంచుతున్నాయి.
