Scheme offers : ప్రధాని నరేంద్ర మోదీ ప్రభుత్వం పేద, మధ్యతరగతి ప్రజల కోసం వివిధ రకాల పథకాలు ఆఫర్ చేస్తోంది. అయితే ఈ పథకాల్లో పెన్షన్ స్కీమ్స్ మంచి ప్రాముఖ్యత పొందాయి. ఇందులో పొదువు చేస్తూ ప్రతి నెలా సరిపడా పెన్షన్ అందుకోవచ్చు. పెన్షన్ స్కీమ్స్లో చాలామంది ప్రజలు అటల్ పెన్షన్ యోజన (Atal Pension Scheme) ఎంపిక చేసుకుంటుంటారు. దీనికి కారణం ఈ పథకంలో చేరితే.. 60 ఏళ్ల తర్వాత ఆర్థిక ఇబ్బందులన్నీ సమసిపోవడమే! ఈ పథకం ద్వారా ప్రతి నెలా రూ. 10 వేలు ఎలా పొందాలో ఇప్పుడు చూద్దాం.
Scheme offers : అటల్ పెన్షన్ యోజన
అటల్ పెన్షన్ యోజన స్కీమ్లో జాయిన్ అవ్వాలనుకునే వారు ముందుగా దాని అర్హతలు తెలుసుకోవాలి. పథకం రూల్స్ ప్రకారం కనీసం 18, గరిష్టంగా 40 ఏళ్ల వయసు వరకు ఉన్నవారు ఈ పథకంలో చేరొచ్చు. ఈ పథకం దంపతులిద్దరూ కూడా చేరే వెసులుబాటు కల్పిస్తోంది. ఈ స్కీమ్లో జాయిన అయిన ప్రజలు మంత్లీ వైస్ గా సాధ్యమైనంత డబ్బు చెల్లించాలి. ఇలా 60 ఏళ్లు వయసు దాక కొంత మొత్తంలో డబ్బులు చెలిస్తే చాలు.. ఆ తరువాత మీరు ప్రతి నెలా డబ్బులు సంపాదించొచ్చు.
ప్రతి నెలా రూ.10 వేలు పొందండిలా
అర్హత కలిగిన వారు బ్యాంకు లేదా పోస్టాఫీస్లో అటల్ పెన్షన్ యోజన పథకంలో చేరొచ్చు. స్కీమ్ లో జాయిన్ అయ్యాక మీరు ప్రతి నెలా ఎంత మొత్తంలో చెల్లిస్తారో దానికి అనుగుణంగా పెన్షన్ లభిస్తుంది. ఒకవేళ మీకు పెళ్లయి ఉంటే మీ భాగస్వామితో కలిసి మీ 24 ఏళ్లలో ఈ స్కీమ్ లో చేరితే.. రూ.10 వేలు అందుకోవచ్చు. ఇందుకు మీరు మీతో పాటు మీ భాగస్వామి పేరుపై అటల్ పెన్షన్ పథకంలో అకౌంట్స్ తెరవాలి. అలాగే ఇద్దరికీ రూ.5 వేల పెన్షన్ ఆప్షన్ సెలెక్ట్ చేసుకోవాలి. తరువాత నెలనెలా రూ.346 కడితే.. 60 ఏళ్ల తర్వాత ఎవ్రీ మంత్ రూ.5000 చొప్పున పెన్షన్ పొందొచ్చు. అంటే ఇద్దరు కలిపి నెలకు రూ. 10,000 పొందొచ్చు.