Shammi Plant: దసరా రోజు సాయంత్రం వేళ జమ్మి కొట్టి, ఆ చెట్టు ఆకులను బంగారంగా భావించి వాటిని పెద్దల చేతిలో పెట్టి ఆశీర్వాదం తీసుకుంటారు.. వాస్తు ప్రకారం ఇంట్లో జమ్మి చెట్టు ను పెంచుకోవడం చాలా ప్రత్యేకంగా పరిగణిస్తారు.. అలాగే ఈశ్వరుడికి ఈ చెట్టు అంటే ప్రీతి.. ఇంట్లో జమ్మి చెట్టు పెంచుకోవడం వల్ల పేదరికం తొలగతుందని నమ్ముతారు.. ఈ చెట్టును డబ్బు కురిపించే కనక వృక్షంగా పిలుస్తారు. ఇది మీ ఇంట్లో పేదరికాన్ని తొలగిస్తుంది. ఇంతటి విశిష్టమైన జమ్మి చెట్టు వలన బోలెడు ఆరోగ్య ప్రయోజనాలు ఉన్నాయి.. జమ్మి చెట్టు ఆరోగ్యానికి చేసే మేలు గురించి తెలుసుకుందామా..!!
అవాంచిత రోమాలను తొలగించేందుకు జమ్మి ఆకులు అద్భుతంగా పనిచేస్తుంది. జమ్మి ఆకుల రసం తీసి దాన్ని అవాంచిత రోమాలు ఉన్న చోట రాస్తే ఫలితాలు చూసి మీరే గమనిస్తారు. ఇవి కుష్టు రోగ నివారణకు ఉపయోగపడతాయి. జమ్మి ఆకుల పసరు తీసి దాన్ని పుండ్లు ఉన్న చోట రాస్తే కుష్టు వ్యాధి నశిస్తుంది. ఆయుర్వేద వైద్యంలో జమ్మి చెట్టు బెరడు, ఆకులు, పువ్వులు, విత్తనాలు అన్నింటినీ ఉపయోగిస్తారు. నోటి పూత, పుండ్లు ఉంటే ఈ చెట్టు బెరడు కషాయం అద్భుతంగా పనిచేస్తుంది. ఈ చెట్టు బెరడు ను ఒక గ్లాసు నీటిలో వేసి మరిగించాలి. ఇలా తయారుచేసుకున్న కషాయాన్ని 3 లేదా 4 రోజులు తాగితే నోటి పూత నుంచి ఉపశమనం కలిగిస్తుంది. నోటి సంబంధిత వ్యాధులు రాకుండా చూస్తుంది. జమ్మి చెట్టు బెరడు పొడిని గ్లాసు నీటిలో వేడి చేసి ఆ నీటిని భోజనానికి ముందు 30 మీ.లీ తాగితే కీళ్ల నొప్పులు, విరోచనాలు తగ్గుతాయి.
జమ్మి ఆకుల కషాయాన్ని శరీరం పై చీము కారుతున్నా, దురద వస్తుంటే అక్కడ ఈ కషాయాన్ని పోస్తే ఉపశమనం కలుగుతుంది. ఈ కషాయం చుండ్రు నివారణకు ఉపయోగపడుతుంది.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?