Shankar : శంకర్ – రాం చరణ్ ల క్రేజీ కాంబినేషన్ లో భారీ పాన్ ఇండియా సినిమాని రీసెంట్ గా ప్రకటించిన సంగతి తెలిసిందే. ఈ సినిమాని టాలీవుడ్ స్టార్ ప్రొడ్యూసర్ దిల్ రాజు .. శిరీష్ తో కలిసి శ్రీ వెంకటేశ్వర క్రియేషన్స్ బ్యానర్ పై నిర్మిస్తున్నాడు. ఈ కాంబినేషన్ అసలు ఊహించనిది అని చెప్పాలి. గత కొంత కాలంగా ఈ కాంబినేషన్ లో సినిమా రాబోతోందని వార్తలు వచ్చాయి. అయితే శంకర్ కమల్ హాసన్ తో భారతీయుడు 2 ని ప్రకటించడం తో ఇక ఈ సినిమా ఉండదని అందరూ భావించారు. అంతేకాదు అంత ఈజీగా శంకర్ – రాం చరణ్ కాంబో సెట్ కావడం కష్టం అని మాట్లాడుకున్నారు.
అందుకు కారణం గతంలో మెగాస్టార్ చిరంజీవి – శంకర్ కాంబినేషన్ లో భారీ ప్రాజెక్ట్ ఉండబోతుందని పలుమార్లు వార్తలు వచ్చాయి. కాని ఆ ప్రాజెక్ట్ సెట్ కాలేదు. ఇదే చరణ్ విషయంలో కూడా జరిగిందని అనుకున్నారు. కాని దిల్ రాజు శంకర్ – రాం చరణ్ ల కాంబినేషన్ ని సెట్ చేసి భారీ షాకిచ్చాడు. అయితే దిల్ రాజు శంకర్ కి కావాల్సిన బడ్జెట్ ని పెట్టగలడా అన్న అనుమానాలు పలువురిలో వ్యక్తమవుతున్నాయి. అందుకు కారణం శంకర్ తీసే సినిమాల బడ్జెట్ ఏ రేంజ్ లో ఉంటుందో తెలిసిందే. ఒక్కోసారి కేవలం సాంగ్ కే 50 నుంచి 60 కోట్లు ఖర్చు చేయిస్తుంటాడు.
Shankar : శంకర్ ఆస్థాన సంగీత దర్శకుడు ఏ.ఆర్ రెహమాన్ కి ఛాన్స్..!
ఇదిలా ఉంటే ఇప్పుడు ఇండస్ట్రీలో హాట్ టాపిక్ గా మారింది. శంకర్ – రాం చరణ్ కాంబినేషన్ కి మ్యూజిక్ డైరెక్టర్ ఎవరన్నది. అయితే విశ్వసనీయ వర్గాల ద్వారా అందుతున్న సమాచారం ప్రకారం అనిరుధ్ లేదా హరీస్ జైరాజ్ లలో ఒకరిని ఫైనల్ చేసుకునే ఆలోచనలో మేకర్స్ ఉన్నారని తెలుస్తోంది. భారతీయుడు 2 కి మ్యూజిక్ డైరెక్టర్ గా అనిరుధ్ ని ఎంచుకున్నాడు. మధ్యలో హరీస్ జైరాజ్ తో కూడా శంకర్ సినిమా చేశాడు. అయితే శంకర్ ఆస్థాన సంగీత దర్శకుడు ఏ.ఆర్ రెహమాన్ కి ఎక్కువ ఛాన్స్ ఉందని కూడా టాక్ వినిపిస్తోంది. చూడాలి మరి మేకర్స్ ఈ ప్రాజెక్ట్ మ్యూజిక్ డైరెక్టర్ ని ఎవరిని ఫిక్స్ చేస్తారో.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?