Bigg Boss: ప్రముఖ యూట్యూబర్ షణ్ముఖ్ జస్వంత్ బిగ్‌బాస్‌ సీజన్-5లో పాటిస్పేట్ చేసి ఫస్టు రన్నరప్ గా నిలిచిన విషయం తెలిసిందే. నిజానికి తనకున్న పాపులారిటీకి షణ్ముఖ్ కచ్చితంగా ఈసారి టైటిల్ సొంతం చేసుకుంటాడని భావించారంతా. కానీ అందరి అంచనాలు తలకిందులయ్యాయి. షణ్ముఖ్ రాముడు మంచి బాలుడు అనే టైపు అని జనాల నోళ్లలో నానేది. కానీ బిగ్‌బాస్‌ తర్వాత అతడు ఒక చీటర్ అనే ముద్ర పడిపోయింది. దీప్తి సునైనా (Deepthi Sunaina) బ్రేకప్ చెప్పడం.. ఈ విషయం ఇప్పటికీ హాట్ టాపిక్ గా మారడం కూడా షణ్ముఖ్ ను మరింత బాధిస్తున్నట్లు తెలుస్తోంది. ఒకపక్క చాలా సినిమా ఆఫర్లు వస్తున్నా కూడా షణ్ముఖ్ హ్యాపీగా ఉండలేకపోతున్నాడని టాక్ వినిపిస్తోంది. ఈ క్రమంలో షణ్ముఖ్ అసలు బిగ్‌బాస్‌కి వెళ్లకుండా ఉండాల్సింది వాళ్లు అనడం ఇప్పుడు చర్చనీయాంశం అయింది.
Shanmukh Jaswanth: ఈ మాట అన్నది ఎవరో కాదు
ఒకరికి ఒకరు తమ పేర్లను చేతులపై టాటూ వేయించుకునేంత గాఢంగా దీప్తి-షణ్ముఖ్ ప్రేమించుకున్నారు. కానీ వీరి ప్రేమలో పుల్ల పెట్టి కూర్చున్నారు బిగ్‌బాస్‌ నిర్వాహకులు. మొదట్లో ఆడాలా వద్దా అనే పూర్తి అయిష్టతతో ఉన్న షణ్ముఖ్ ను మునగచెట్టు ఎక్కించి అమాంతం ఒక్కసారిగా కింద పడేసారు. హౌజులో ఒకే బెడ్ లో దుప్పట్లు కప్పుకుని మరీ సిరి హనుమంత్ (Siri Hanmanth)తో రొమాన్స్ చేసేలా పురమాయించారు. దీనితో వారి బుట్టలో పడి షణ్ముఖ్ దీప్తి గురించి మర్చిపోయి రెచ్చిపోయాడు. ఒకవేళ బిగ్‌బాస్‌కి వెళ్లకపోతే షణ్ముఖ్ ఏ అమ్మాయితోనూ వెగటు వేషాలకు దిగేవాడు కాదేమో. తాజాగా సన్నిహితులు, కుటుంబ సభ్యులు కూడా ఇదే మాట అంటున్నారు. బిగ్‌బాస్‌ ఒక బ్యాడ్ షో అని.. ఇక్కడి బ్యాడ్ వాతావరణం.. బ్యాడ్ గర్ల్స్ వల్లే షణ్ముఖ్ అలా చేసి ఉండొచ్చని కుటుంబ సభ్యులు, సన్నిహితులు అంటున్నారు. షణ్ముఖ్ అసలు బిగ్‌బాస్‌కి వెళ్లకుండా ఉండవలసిందని కూడా నిట్టూరుస్తున్నారు.
దీప్తి కంటే షణ్ముఖ్ లైఫ్‌లో ఎక్కువేముంటుంది
గత అయిదేళ్లుగా దీప్తి, షణ్ముఖ్ గొప్ప లవ్ బర్డ్స్ గా తమ కళ్ల ఎదుటే అందమైన జీవితాన్ని గడిపారని.. కానీ బిగ్‌బాస్‌ వల్ల అంతా సర్వనాశనం అయ్యిందని సన్నిహితులు అంటున్నారు. దీప్తి కంటే షణ్ముఖ్ లైఫ్‌లో ఎక్కువేముంటుందని.. దీప్తి తన జీవితం నుంచి వెళ్లిపోవడంతో అతడు లోలోపల చాలా బాధ పడుతున్నాడని కుటుంబ సభ్యులు కూడా నిరాశలో ఉన్నట్లు తెలుస్తోంది. షణ్ముఖ్ మాత్రం ప్రస్తుతానికి తన పర్సనల్ లైఫ్‌ను పక్కనపెట్టి కెరీర్‌పై ఫోకస్ చేసేందుకు పెద్ద యుద్ధమే చేస్తున్నాడు. అలాగే సిరితో తను రిలేషన్ పెట్టుకున్నట్టు వస్తున్న వార్తలపై సున్నితంగా స్పందిస్తూ తాను సింగిల్ అని చెప్పుకుంటున్నాడు.