Sharvanand : ఆడవాళ్ళు మీకు జోహార్లు .. ఈ టైటిల్ చూస్తే ఎవరైనా ఈ సినిమా ఖచ్చితంగా సీనియర్ స్టార్ హీరో విక్టరీ వెంకటేష్ నటిస్తున్నాడని అందరు అనుకుంటారు. ఆ టైటిల్ అలాంటిది. కాని ఈ టైటిల్ తో రాబోతుంది యంగ్ హీరో శర్వానంద్. Sharvanand వరసగా ఫ్లాపుల్లో యంగ్ హీరో శర్వానంద్ త్వరలో శ్రీకారం అన్న సినిమాతో రాబోతున్నాడు. గ్యాంగ్ లీడర్ ఫేం ప్రియాంక అరుల్ మోహన్ హీరోయిన్ గా నటించింది. ఇప్పటికే ఈ సినిమా మీద భారీగా అంచనాలు పెరిగాయి. ఖచ్చితంగా శర్వానంద్ శ్రీకారం సినిమాతో మళ్ళీ శతమానంభవతి వంటి డీసెంట్ హిట్ అందుకుంటాడని.
ఈ సినిమా నుంచి ఇప్పటికే వచ్చిన సాంగ్స్, ట్రైలర్ ఫ్యామిలీ ఆడియన్స్ అందరినీ విపరీతంగా ఆకట్టుకున్నాయి. ఇక ఈ సినిమా తర్వాత ఆర్ఎక్స్ 100 ఫేం అజయ్ భూపతి దర్శకత్వంలో మహా సముద్రం అన్న సినిమా చేస్తున్నాడు. ప్రస్తుతం ఈ సినిమా శరవేగంగా షూటింగ్ జరుగుతోంది. వైజాగ్ బ్యాక్ డ్రాప్లో రూపొందుతున్న ఈ సినిమాలో అదిరావు హైదరీ, అనూ ఇమ్మానియేల్ హీరోయిన్స్గా నటిస్తున్నారు. బొమ్మరిల్లు సిద్దార్థ్ మరొక హీరోగా నటిస్తున్నారు. ఈ సినిమా కథ కూడా అద్భుతంగా ఉంటుందని శర్వాకి హిట్ గ్యారెంటీ అని చెప్పుకుంటున్నారు.
Sharvanand : శ్రీకారం హిట్ అయితే శర్వానంద్ సక్సస్ ట్రాక్ ఎక్కినట్టే.
ఈ క్రమంలో తాజాగా శర్వానంద్ నుంచి మరో తాజాచిత్రం రాబోతున్నట్టు మేకర్స్ ప్రకటించారు. ఆడవాళ్ళు మీకు జోహార్లు అన్న వినూత్నమైన టైటిల్ తో తెరకెక్కబోతున్న ఈ సినిమా శ్రీ లక్ష్మీ వెంకటేశ్వర సినిమాస్ పతాకంపై సుధాకర్ చెరుకూరి నిర్మిస్తున్నారు. కిషోర్ తిరుమల దర్శకత్వం వహించబోతున్నాడు. తాజాగా ఈ సినిమా టైటిల్ పోస్టర్ ని మేకర్స్ రిలీజ్ చేశారు. ప్రస్తుతం ఈ పోస్టర్ కి అభిమానుల నుంచి ప్రేక్షకుల నుంచి మంచి స్పందన లభిస్తోంది. శ్రీకారం హిట్ అయితే శర్వానంద్ సక్సస్ ట్రాక్ ఎక్కినట్టే.