Milk: ప్రతి ఒక్కరి ఇంటిలో పాలు లేనిదే రోజు గడవదు. లేవగానే టీ,కాఫీ,పెరుగు ఏది కావాలన్నా పాలు కావలిసిందే.అయితే కొన్ని కొన్ని పరిస్థితులలో పాలు నిల్వ చేసుకోక తప్పదు. కానీ పాలు బయట ఎక్కువ సేపు నిల్వ ఉండవు కాబట్టి.. ఫ్రిడ్జ్ లో పెట్టుకుంటాం. అసలు పాలను ఎన్ని రోజులు నిల్వ ఉంచాలి? అనే సందేహం అందరిలో నూ వస్తుంది.
అయితే.. కొన్ని చిట్కాలుపాటిస్తే, పాలను ఎక్కువ రోజులు నిల్వ చేస్తుకోవచ్చని నిపుణులు తెలియచేస్తున్నారు. పాలను ఫ్రిజ్‌లో ఎంతసేపు నిల్వ చేయవచ్చు అనేది తెలుసుకుందాం.. పట్టణా ల్లో నివసించేవారందరివీ దాదాపు ఉరుకుల పరుగుల జీవితాలే. ఇలాంటి జీవితం లో పాలు సమయానికి వాడుకోలేము..దీంతో,త్వరగా పాడైపోతాయి…. దాదాపు ఈ రోజుల్లో చాలా మంది పాల ప్యాకెట్ల నే ఉపయోగిస్తున్నారు. ఈ ప్యాకెట్ ఒక్కసారి ఓపెన్ చేసిన తర్వాత నాలుగు నుంచి ఏడు రోజుల వరకు ఫ్రిడ్జ్ లో ఉంచి వాడుకోవచ్చు. అయితే.. ఎంత త్వరగా వీలైతే అంత త్వరగా దానిని ఉపయోగించడం మంచిది.
పాలు ఫ్రీజర్‌లోని గాలి చొరబడని కంటైనర్‌లో నిల్వ చేసుకోవాలి. ఫ్రీజర్‌లో మాంసం లేదా చేపలను నిల్వ చేసినప్పుడు పాలు దాని నుండి వచ్చే వాసనను తేలికగా గ్రహిస్తుంది. పాలకి ఉన్న చల్లదనం తగ్గిన తర్వాత మాత్రమే మనం దానిని తెలుసుకోగలుగుతాము. అందుకే పాలను మూత ఉన్న వాటిలో నిల్వ చేసుకోవాలి.. లేదంటే ఇతర ఆహారాల వాసనా పట్టేసి పాలు కూడా అవే వాసన వస్తాయి…. పాలు ఎక్కువ రోజులు నిల్వ ఉంచుకోవడానికి సులభమైన మార్గం ఉంది. ఐస్ క్యూబ్ ట్రే లో పాలు పోసి, గడ్డ కట్టిస్తే, ఎక్కువ కాలం నిల్వ చేసుకోవచ్చు.
ఆ క్యూబ్స్ ని ఎప్పుడు కావాలంటే అప్పుడు ఉపయోగించుకోవచ్చు. పాల ప్యాకెట్ ని గడ్డ కట్టించి కూడా నిల్వ చేసుకోవచ్చు. ఆ గడ్డ కట్టిన పాలను వాడుకోవాలి అనుకున్నపుడు, ప్యాకెట్ ని నార్మల్ వాటర్ లో వేస్తె కొద్ది సేపటికే అవి కరిగిపోతాయి. తర్వాత వాటినివాడుకోవచ్చు.
