ఘట్టమనేని ఫ్యామిలీ నుంచి వచ్చిన ప్రతీ ఒక్కరు సినిమా ఇండస్ట్రీలో బాగా సెటిలయ్యారు. సూపర్ స్టార్ కృష్ణ దాదాపు 350 సినిమాలకి పైగా నటించి రికార్డ్ సాధించారు. ఆ తర్వాత ఆయన వారసులుగా వచ్చిన మహేష్ బాబు సూపర్ స్టార్ గా, తండ్రికి తగ్గ తనయుడిగా టాలీవుడ్ లో తనకంటూ ఒక ప్రత్యేకమైన స్థానాన్ని సంపాదించుకున్నాడు. ఇప్పుడు ఇండస్ట్రీలో మహేష్ బాబు అంటే ఉన్న క్రేజ్ అసాధారణం అని చెప్పాలి. అలాగే మహేష్ సోదరి మంజుల నటిగా, నిర్మాతగా పాపులర్ అయ్యారు. ఇక మహేష్ అన్న రమేష్ కూడా నటుడిగా, నిర్మాతగా అందరికీ తెలిసిన వ్యక్తే. అలాగే సీనియర్ నరేష్ కూడా ప్రస్తుతం అద్భుతమైన పాత్రలు చేస్తున్నారు.
అంతేకాదు మహేష్ బాబు బావమరిది సుధీర్ బాబు హీరోగా విభిన్నమైన సినిమాలు చేస్తూ తనకంటూ ఒక ప్రత్యేకమైన గుర్తింపును సాధించాడు. సుధీర్ బాబు టాలీవుడ్ లోనే కాదు బాలీవుడ్ లో కూడా నటుడిగా మంచి పాపులారిటీని సాధించాడు. ఇలా సూపర్ స్టార్ కృష్ణ, మహేష్ బాబు తర్వాత ఘట్టమనేని ఫ్యామిలీ నుంచి వాళ్ళు బాగానే క్రేజ్ ని సంపాదిచుకుంటున్నారు. ఇటీవల సుధీర్ బాబు.. నాని తో చేసిన వి సినిమాతో మంచి హిట్ అందుకున్నాడు. ఈ సినిమాలో నాని కంటే సుధీర్ బాబు కే ఎక్కువ పేరొచ్చింది. కాగా శ్రీదేవి సోడా సెంటర్ అన్న మరో విభిన్నమైన కథాంశం తో రాబోతున్నాడు.
ఈ క్రమంలో ఈ ఫ్యామిలీ నుంచి టాలీవుడ్ కి పరిచయం కాబోతున్న మరో హీరో మహేష్ బాబు అల్లుడు గల్లా అశోక్. వాస్తవంగా గత ఏడాదే గల్లా అశోక్ ఎంట్రీ జరగాల్సింది. దిల్ రాజు నిర్మాతగా ఒక సినిమా కూడా ప్రారంభం అయి ఆగిపోయింది. ఆ తర్వాత యంగ్ డైరెక్టర్ శ్రీరాం ఆదిత్య దర్శకత్వంలో అశోక్ హీరోగా సినిమా మొదలైంది. ఇస్మార్ట్ బ్యూటీ నిధి అగర్వాల్ హీరోయిన్ గా నటిస్తోంది. అయితే గత కొన్ని నెలలుగా ఈ సినిమాకి సంబంధించిన అప్‌డేట్ ఏదీ రాకపోవడంతో ఈ సినిమా కూడా ఆగిపోయిందని అందరు భావించారు.
కాని తాజా సమాచారం ప్రకారం ఈ సినిమా షూటింగ్ సైలెంట్ గా జరుగుతోందట. ఇటీవలే రాజమహేంద్రవరంలో షెడ్యూల్ కూడా కంప్లీట్ చేశారని తెలుస్తోంది. ఈ షెడ్యూల్ లో హీరో హీరోయిన్ అశోక్, నిధి అగర్వాల్ పాల్గొన్న సీన్స్ ని కంప్లీట్ చేశారట. మొత్తానికి అందరూ ఆగిపోయిందనుకున్న సినిమా టాకీపార్ట్ ని కంప్లీట్ చేస్తున్నారు. ఇక ఈ సినిమాలో అశోక్ సూపర్ స్టార్ కృష్ణ సూపర్ హిట్ సాంగ్ జుంబారే జుజుంబరే ని రీమేక్ చేస్తున్నాడు.
