మెగా బ్యాక్‌గ్రౌండ్‌తో ఇప్పటికే చాలామంది చిరంజీవి ఫామిలీ మెంబెర్స్ తెలుగు ఫిలిం ఇండస్ట్రీ కి పరిచయం అయ్యారు. ఆలానే వచ్చి తానేంటో నిరూపించుకున్న హీరో సాయి ధరమ్ తేజ్. ఫిలిం ఇండస్ట్రీ లో కెరీర్ ప్రారంభంలో ఒక ఎత్తు అయితే ఆ తరువాత నిలదొక్కుకోవడం మరొక ఎత్తు. తేజ్ సినీ కెరీర్ ప్రారంభంలోనూ చాలా అవ‌మానాలు ఎదురుకున్న విషయం మనకి విదితమే.
తేజ్ మొదటి రెండు సినిమాలు కొన్ని ఆర్ధిక ఇబ్బందుల వలన ప్రేక్షకుల ముందుకు రాలేకపోయాయి. ఒకానొక స‌మ‌యంలో సాయి ధరమ్ తేజ్ కి డ‌బుల్ హ్యాట్రిక్ ఫ్లాప్‌లు ఎదురయ్యాయి. ‘చిత్ర‌ల‌హ‌రి’ సినిమా నుంచి ఈ హీరో తన స్టైల్ ను మార్చుకున్నారు. ‘పిల్లా నువ్వు లేని జీవితం’ సినిమాతో తేజ్ ప్రేక్షకుల ముందుకు వచ్చాడు.
తన మొదటి రెండు సినిమాలు ఆగిపోవడంతో సాయి ధరమ్ తేజ్ కు ఒక మెగా అభిమాని కాల్ చేసి మాట్లాడిన మాటలను తాను ఎప్పటికి మర్చిపోలేను అని అంటున్నారు. ఆ వ్యక్తి ఫోన్ చేసి “ మీరు ఇప్పటి వరకు చేసింది చాలు.. మీ సినిమాల పట్ల మాకేం ఆసక్తి లేదు మీరు సినిమాలు ఆపేస్తే మంచిది” అని అవమానించాడట. ఆ మాటలకి షాక్ అయిన తేజ్ ఆయనతో, “ నేను కమిట్ అయిన సినిమాలు పూర్తి చేస్తాను. అప్పటికి మీకు నచ్చకుంటే మీరు అన్నట్లుగానే సినిమాలను వదిలేస్తాను” అన్నారట.
ఇక్కడ ట్విస్ట్ ఏంటి అంటే కొన్ని సంవత్సరాల తరువాత ఆ అభిమానే మళ్ళి కాల్ చేసి “సారీ సర్! మీరు సినిమాల్లో చాలా బాగా చేస్తున్నారు. మీకు తప్పకుండా మంచి భవిష్యత్తు ఉంది. మీరు సినిమా రంగంలో మామకు తగ్గ అల్లుడు అనిపించుకుంటారు. ఇలాగే మీరు మరిన్ని సినిమాలు చేయాలని కోరుకుంటున్నాం” అంటూ తెగ పొగిడేసాడట. ఆ మాటలు తనకు ఎంతో ఉత్తేజాన్ని ఇచ్చాయంటూ ఇటీవల ఒక ఇంటర్వ్యూ లో తేజ్ చెప్పుకొచ్చాడు.
