ప్ర‌పంచ‌వ్యాప్తంగా ఇప్పుడు అంద‌రి చూపు, కరోనా వ్యాక్సిన్ పైనే. ఈ మహ‌‌మ్మారి ఉగ్ర‌రూపం ఎప్పుడు త‌గ్గుతుందో అని ఓ వైపు చ‌ర్చించుకుంటూనే మ‌రోవైపు ఈ వ్యాధికి ప‌రిష్కారం కోసం జ‌రుగుతున్న ప్ర‌య‌త్నాల‌పై ఆశ‌గా ఉన్నారు. 
ఇలాంటి స‌మ‌యంలోనే ఓ షాకింగ్ వార్త తెర‌మీద‌కు వ‌చ్చింది. ముఖ్యంగా మ‌న‌దేశంలోనే అస‌లు స‌మ‌స్య.
అస‌లు షాక్ ఇదే…
కరోనా వైరస్ త‌న ప‌రివ‌ర్త‌నాన్ని మార్చుకుంటుండ‌టం అస‌లు షాక్. ప్రారంభంలో జలుబు, శ్వాససంబంధ సమస్యలు, తలనొప్పి వంటివి కరోనా లక్షణాలుగా అనుమానించారు. ఇప్పుడు రుచి కోల్పోవడం, వాసన గుర్తించకపోవడం వంటి లక్షణాలు అధికంగా కనిపిస్తున్నాయి. నాలుగైదు నెలలకిందట కరోనా సోకితే లక్షణాలు కనిపించేవి. ప్రస్తుతం 80 శాతం మంది బాధితుల్లో (అసిమ్టమాటిక్‌) లక్షణాలు కనిపించడం లేదు. కాబట్టి కరోనా నిర్మాణంలో మార్పులు జరిగే కొద్దీ కొత్త లక్షణాలు బయట పడుతుంటాయని నిపుణులు చెప్తున్నారు.
మ‌న‌కు ఎందుకు ప‌నిచేయ‌దో తెలుసా?
మ‌న దేశంలో ఇప్పటివరకు 2,321 వైరస్‌ల జన్యుక్రమాలను విశ్లేషించగా 3,427 ఉత్పరివర్తనాలు బయటపడ్డాయి. అత్యధికంగా ఏ2ఏ రకం వైరస్ విస్తరిస్తున్నదని తేలింది. ఇప్పటివరకు విశ్లేషించిన జీనోమ్‌లలో 68 శాతం ఏ2ఏ రకం, 20 శాతం వరకు ఐ/ఏ3ఐ రకం వైరస్‌గా గుర్తించారు. వ్యాక్సిన్ తయారీ సంస్థలు ఏదో ఒక రకం వైరస్‌ను ఎంచుకొని, దానిని నిర్వీర్యంచేసి టీకా అభివృద్ధిచేస్తాయి. ఆ తర్వాత ఉత్పరివర్తనాలు పొంది కొత్త రూపంలోకి మారిన వైరస్‌ను కూడా ఆ టీకా అడ్డుకుంటుందా? అంటే.. కాలమే నిర్ణయిస్తుందని నిపుణులు చెప్తున్నారు.
మ‌న హైదరాబాద్ ప‌రిశోధ‌న‌ల్లో ఏం తేలింద‌య్యా అంటే…
హైదరాబాద్‌లోని సీసీఎంబీ సహా దేశవ్యాప్తంగా 20 రాష్ర్టాల్లోని 35 ల్యాబ్‌లు వైరస్ నిర్మాణంపై పరిశోధనలు చేస్తున్నాయి. తెలంగాణకు సంబంధించి సీసీఎంబీ శాస్త్రవేత్తలు 330 నమూనాల్లోని జీనోమ్‌లను విశ్లేషించారు. 72 శాతం (238) మందికి ఏ2ఏ రకం వైరస్, 25 శాతం మందికి ఏ3ఐ రకం వైరస్ సోకినట్టు నిర్ధారించారు. ఇలా వైరస్ నిర్మాణంలో మార్పులు కలుగుతున్నకొద్దీ వ్యాధి లక్షణాల్లో మార్పులు కనిపిస్తున్నాయి.
ఇదో గుడ్ న్యూస్ బాస్‌..
వ్యాక్సిన్ తయారీ సంస్థలు ఏదో ఒక రకం వైరస్‌ను ఎంచుకొని, దానిని నిర్వీర్యంచేసి టీకా అభివృద్ధి చేస్తాయి. ఆ తర్వాత ఉత్పరివర్తనాలు పొంది కొత్త రూపంలోకి మారిన వైరస్‌ను కూడా ఆ టీకా అడ్డుకుంటుందా? అంటే.. కాలమే నిర్ణయిస్తుందని నిపుణులు చెప్తున్నారు. వ్యాక్సిన్ వేసుకున్న ఒకటి రెండు సంవ‌త్స‌రాల తర్వాత గానీ పూర్తి అంచనాకు రాలేమని పేర్కొన్నారు. గత అనుభవాలను పరిశీలిస్తే వైరస్‌లో వచ్చే మార్పులను వ్యాక్సిన్ సమర్థంగా అడ్డుకోలేకపోయినా.. వ్యాధి ప్రభావాన్ని మాత్రం గణనీయంగా తగ్గిస్తుందని నిపుణులు చెప్తున్నారు. కరోనా వైరస్ విష‌యంలో ఏం జ‌ర‌గ‌నుందో వేచి చూడాల్సిందే.
