Head Bath: తల స్నానం ఎప్పుడు పడితే అప్పుడు చేయకూడదు అని శాస్త్రం లో తెలియచేయబడింది. అసలు ఏ రోజుల్లో చేస్తే మంచిది ఏ రోజుల్లో చేయకూడదు అనేది తెలుసుకుందాం.సోమవారం (Monday) రోజు తలస్నానం చేయకూడదు. అలా చేస్తే భయం,కలవరం, కాంతిహీనం,వంటివి కలుగుతాయి.మంగళవారం రోజు మాత్రం అస్సలు తలస్నానం అనేది చేయకూడదు. అలా చేస్తే విరోధం రావడం , అపాయం కలగడం , ఆయుక్షీణం అవడం,భర్తకు ఆయుష్షు తగ్గడం వంటివి జరుగుతాయి. బుధవారం రోజు తలస్నానం చేస్తే అన్ని విధాలా శుభం కలుగుతుంది. లాభం కలగడం , కీర్తి పెరగడం , సంపద వృద్ధి చెందడం, జ్ఞానం పెరుగుతుంది, బుద్ధి వికాసం జరగడం వంటి మంచి ప్రయోజనాలు కలుగుతాయి.గురువారం రోజు తలస్నానం చేస్తే అశాంతికలగటం , విద్యా లోపము జరగడం, ధనవ్యయం కావడం , కీడు జరగడం , అధిక శత్రు బాధ ఉంటాయి.
శుక్రవారం రోజు తలస్నానంచేయడం వలన అశాంతి కలగడం, వస్తు నాశనం జరగడం, రోగ రాగాలకు కారణం గా ఉంటుంది.
శనివారం రోజు తలస్నానం చేస్తే మంచి ఫలితం ఉంటుంది. ఆయువు పెరుగుతుంది.. వస్తు సేకరణ లాభం కలగడం తో పాటు,కుటుంబ సౌఖ్యం కలిగి శుభకరం గా ఉంటుంది. ఈ రోజు అందరు కచ్చితం గా తలస్నానం చేయడం వలన మంచి ఆరోగ్యం (Health) పొందుతారు.శాస్త్రం తెలియచేసిన దాని ప్రకారం తలస్నానం బుధవారం, శని వారం రోజుల్లో చేయడం అనేది శుభప్రదంగా చెప్పబడింది. ముఖ్యమైన పండుగలు పర్వదినాలలో, పుణ్యక్షేత్రాలలో, పుట్టినరోజు తలస్నానం చేయడానికి ఈ దోషాలు వర్తించవు అని శాస్త్రం తెలియచేస్తుంది.
అది ఏ వారమైనా కుడి నిస్సంకోచకంగా తలస్నానం చేయవచ్చని శాస్త్రం సూచిస్తుంది. అదే ప్రతిరోజు తలస్నానం చేసే అలవాటు ఉన్నవారికి ఈ నిబంధనలు ఏవి వర్తించవు. ప్రతిరోజు తలస్నానం చేసే వారు లేదా వారానికి రెండుసార్లు చేసే వారైన కనీసం నెలలో నాలుగు సార్లు అయిన స్నానం చేసే నీటిలో చిటికెడు పసుపు, కర్పూరం పోడి వేసుకొని తల స్నానం చేస్తే గ్రహ దోష నివారణలకు బాగా పనిచేస్తుంది. ఆడవారు బుధ,శని వారములలో కాకుండా తల స్నానం చేయవలిసి వస్తే మాత్రం నుదుట కొంచెం పసుపు రాసుకుని తలస్నానం చేయడం వలన ఎలాంటి దోషము ఉండదు.