Siddha Neelambari Song Leak: మెగాస్టార్ చిరంజీవి హీరోగా కొరటాల శివ దర్శకత్వంలో రూపొందుతున్న చిత్రం ఆచార్య.. ఈ సినిమాలో మెగా తనయుడు రామ్ చరణ్ సిద్ధ పాత్రలో సందడి చేయనున్నాడు.. ఈ సినిమాలో రామ్ చరణ్ సరసన పూజా హెగ్డే నటిస్తోంది.. ఈ చిత్రంలో పూజా హెగ్డే పేరు నీలాంబరి.. తాజాగా ఈ సినిమా నుంచి ఇంట్రెస్టింగ్ న్యూస్ లీక్ అయింది..
తాజాగా ఈ చిత్రంలోని ఓ పాట లీక్ అయింది.. నీలాంబరి అంటూ సాగే ఈ పాటను రామ్ చరణ్, పూజ హెగ్డే పై చిత్రీకరిస్తున్నారు. ఈ ఇద్దరిపై మంచి డ్యూయెట్ సాంగ్ ప్లాన్ చేశాడు దర్శకుడు.. అదే నీలాంబరి.. తాజాగా ఈ పాటకు సంబంధించిన లిరిక్స్ సోషల్ మీడియాలో లీక్ అయింది. నీలంబరి.. అంటూ సాగే ఈ క్యాచీ ట్యూన్ కూడా అదిరిపోయింది అంటున్నారు అభిమానులు. అయితే ఇలా లీక్ అవడంతో వాళ్ళు బాధ పడుతున్నారు. ఈ పాటను వీలైనంత త్వరగా విడుదల చేయాలని కోరుతున్నారు అభిమానులు..
మ్యాట్నీ ఎంటర్టైన్మెంట్స్, కొణిదెల ప్రొడక్షన్ కంపెనీ సంయుక్తంగా ఆచార్య సినిమాను నిర్మిస్తున్నారు. ఈ సినిమాకు మణిశర్మ సంగీతం అందిస్తున్నారు. రామజోగయ్య శాస్త్రి సాహిత్యం సమకూరుస్తున్నారు. ఈ ఈ చిత్రంలో మెగాస్టార్ సరసన కాజల్ అగర్వాల్ నటిస్తోంది. మే 13న ఆచార్య విడుదలవుతుందని ముందు చెప్పిన.. ఇప్పుడు కోవిడ్ కారణంగా మరోసారి వాయిదా పడింది. కొత్త విడుదల తేదీని త్వరలో ప్రకటించనున్నారు మేకర్స్.