Hacks For Furniture: మీ ఇంటిలో ఉన్న ఫర్నిచర్ ని ఈ విధం గా చేస్తే కొత్తవాటిలా మెరిసిపోతాయి.

Hacks For Furniture: ఇంట్లో ఉండే ఫర్నీచర్ ఆ ఇంటి కే అందాన్ని తెస్తుంది అనడం లో  ఎలాంటి  సందేహం లేదు. అయితే కొత్త దనం కావాలనుకున్నప్పుడల్లా.. కొత్తగా ఫర్నీచర్‌ను కొనడం  అనేది మాములు విషయం కాదు.దానికి  చాలా ఖర్చవుతుంది. ముఖ్యంగా యాంటిక్ ఫర్నీచర్‌ను మార్చడమనేది చిన్న విషయం కాదు … చాలా ఖర్చుతో కూడుకున్నది. అందుకే ఇంట్లో ఉన్న పాత ఫర్నీచర్‌ రూపాన్నిమార్చుకోవడం , పలు జాగ్రత్తలు తీసుకోవడం ద్వారా.. ఇంటికి కొత్త అందం వస్తుంది.

ఇందుకోసం చేయవలిసిందల్లా ఫర్నీచర్‌పై ప్రత్యేక దృష్టి పెట్టడమే . వర్షాలు ఎక్కువగా పడేటప్పుడు ఫర్నీచర్ తేమను లాక్కునే  అవకాశం ఉంటుంది. కాబట్టి  ఫర్నీచర్‌ను గోడ నుంచి కనీసం ఆరు అంగుళాల దూరం లో ఉంచడం అనేది సరైన పద్దతి. వర్షం పడేటప్పుడు  ఇంట్లోని తలుపు లను మూసివేయడం మరిచిపోకూడదు.వర్షం ఆగిన  తర్వాత కిటికీలను తెరవడం వలన వెలుతురూ , గాలి ఇంట్లోకి ప్రవేశించి తేమ లేకుండా ఉంటుంది. ఫర్నిచర్ క్లీన్  చేయడానికి తడి బట్టలు ఉపయోగించడం వంటివి  చేయకండి. యంటిక్ ఫర్నిచర్‌ను క్లీన్  చేసేందుకు శుభ్రమైన పొడి వస్త్రం తో తుడవాలి. నాఫ్తలీన్ తేమను లాగేసుకోవడం తో పాటు. కీటకాలు నుంచి కూడా రక్షిస్తుంది. కాబట్టి ఫర్నీచర్ మూలల్లో నాఫ్తలీన్ పెట్టడం ద్వారా అది పాడవకుండా ఉంటుంది.

అయితే ఇంట్లో చిన్నపిల్లలు ఉంటే మాత్రం  నాఫ్తలీన్ ఉపయోగించకండి. ఎందుకంటే నాఫ్తలీన్ విషపూరితమైనది.ఫర్నిచర్ అందంగా కనిపించాలనుకుంటే  సంవత్సరానికీ  ఒకటి లేదా రెండుసార్లు వార్నిష్ చేయడం వలన మంచి ఫలితాన్ని ఇస్తుంది. వుడెన్ ఫర్నీచర్‌పై పగుళ్లు  ఉంటే.. వార్నిష్‌లో కొంత నెయిల్ పాలిష్ కలిపి పగుళ్ల పై ఆప్లై చేస్తే పదినిమిషాల తర్వాత పగుళ్లు కనిపించవు . ఆ తరువాత ఆ చోటును సాండ్ పేపర్‌తో రుద్దితే  నునుపుగా వస్తుంది. ఇక, వుడెన్ ఫర్నీచర్‌పై ఉండే మరకలను తొలగించడం చాలా కష్టమైన పని అని అందరు  పావు టీ స్పూన్ అయిల్‌లో కొంత వినేగార్‌ని కలిపి.. ఆ మిశ్రమాన్ని క్లాత్‌ సహాయం తో మరకలపై రుద్దితే మరకలు పోయి అవి నీట్ గా ఉంటాయి.