Kitchen hacks: డైలీ లైఫ్ లో ఉపయోగపడే వంటింటి చిట్కాలు గురించి తెలుసుకుందాం..
- అల్లం వెల్లుల్లిని నిల్వ చేసుకోవడం కోసం రుబ్బుకునే ముందు కొంచెం వేయించి రుబ్బు కోవడం వలన ఆ అల్లం వెల్లులి పేస్ట్ ఎక్కువ రోజులు తాజాగా ఉండి తీరుతుంది.
- అల్లం వెల్లుల్లి పేస్ట్ గా చేసుకునేటప్పుడే కొంచెం ఉప్పు .పసుపు వేసుకుంటే ఎక్కువ కాలం నిల్వఉంటుంది.
- నిల్వ ఉంచుకోవలసిన పచ్చళ్ళ కు ఆవ నూనెను వాడితే ఎక్కువ రోజులు తాజాగా పాడవకుండా ఉంటాయి.
- చాల మంది అరటి పువ్వులను తెచ్చి ఫ్రిజ్లో పెడుతుంటారు.. కానీ అలా పెట్టకూడదు. అలా పెట్టడం వలన పదార్థాల రంగు,రుచి, వాసన, లో తేడా వచ్చేస్తుంది.
- పప్పు లు, ధాన్యం , పిండి , బియ్యం వంటి వాటిలో పురుగు పట్టకుండా ఉండాలంటే వాటిని నిల్వ ఉంచిన డబ్బాలో కొన్ని వేపాకు లు వేయడం వలన పాడవకుండా ఎక్కువ కాలం నిల్వ ఉంటాయి.
- పచ్చి బఠాణీలను ఉడకపెట్టే టప్పుడు వాటిలో చిటికెడు పంచదార వేస్తే రంగు మారిపోకుండా ఉంటాయి.
- కాఫీ రుచి పెరగాలంటే డికాషన్‌లో చిటికెడు ఉప్పు వేసి చుడండి తేడా మీకే తెలుస్తుంది.
- ఫ్రిజ్లో ఆహార పదార్థాలు, కూరగాయలను ఏ మాత్రం ఖాళీ లేకుండా ఇరికించి పెట్టకూడదు. ఫ్రిజ్ లోపల గాలి తగిలేలా కొంత ఖాళీ ఉండేలా సర్దుకోవాలి .
- సువాసన వచ్చే వస్తువులు, పూలు ఫ్రిడ్జ్ లో పెట్టినప్పుడు వాటి వాసన బయటకు వచ్చి వేరే వాటికి పట్టకుండా జాగ్రత్తగా గట్టిగా మూసి పెట్టుకోవాలి.
- కూరగాయలు కడిగి పూర్తిగా తడి ఆరిపోయిన తర్వాత మాత్రమే వాటిని ఫ్రిజ్లో పెట్టాలి.
తొడిమలు తీసిన మిరపకాయలను ఎక్కువ రోజులు ఫ్రిజ్లో ఉంచితే అవి కుళ్ళి పోతాయి. కనుక పచ్చిమిరపకాయలను తొడిమలు తీయకుండా ఫ్రిజ్ లో పెట్టాలి.
