సినిమా ఇండస్ట్రీలో సింగర్ గా రాణిస్తూనే మరోపక్క హీరోయిన్లకు డబ్బింగ్ చెబుతూ అనేక మంది అభిమానులను సంపాదించుకుంది సింగర్ సునీత. అతి చిన్న వయసులో అనగా 19 వయసులోనే పెళ్లి కావడంతో మొదటి భర్తతో మనస్పర్థలు వచ్చి విడాకులు కూడా తీసుకోవడం జరిగింది. కానీ ఇద్దరు పిల్లలు ఉండటంతో వాళ్ళ సంరక్షణ మొత్తం సునీత దగ్గరుండి చూసుకుంటూ మరోపక్క తన కెరియర్ రాణిస్తోంది.
ఇలాంటి తరుణంలో ఆమె రెండో వివాహానికి రెడీ అవ్వడం ఇండస్ట్రీలో సంచలనంగా మారింది. కరోనా వచ్చిన సమయంలో లాక్ డౌన్ టైం లోనే సునీత రెండో పెళ్లి అంటూ అనేక వార్తలు రాగా ఆమె తీవ్ర స్థాయిలో సీరియస్ అయింది. కానీ ఇటీవల డిజిటల్ రంగంలో పేరుగాంచిన ప్రముఖ పారిశ్రామికవేత్త రామ్ వీరపనేని తో నిశ్చితార్థం చేసుకోని అందరికీ షాక్ ఇచ్చింది. తన ఇద్దరు పిల్లల సంరక్షణలో తన సొంత ఇంటిలో కేవలం కొద్ది మంది సమక్షంలో ఈ నిశ్చితార్థ వేడుక అంగరంగ వైభవంగా జరిగింది.
అయితే సునీత రెండో పెళ్లి డేట్ గురించి అనేక వార్తలు ఇటీవల సోషల్ మీడియాలో వైరల్ అయ్యాయి. అయితే వచ్చిన వార్తల్లో వాస్తవం ఏమీ లేదని స్వయంగా సునీత తిరుపతి పర్యటనలో శ్రీవారిని దర్శించుకుని తన రెండో పెళ్లి తేదీ ఎప్పుడో స్పష్టం చేసింది. దాదాపు పది నెలల తర్వాత శ్రీవారిని దర్శించుకోవడం జరిగింది. పైగా వైకుంఠ ద్వార దర్శనం చేసుకోవడం మరచిపోలేని అనుభూతినిచ్చింది అంటూ మాట్లాడుతూ జనవరి 9వ తారీఖున పెద్దలు నిర్ణయించిన విధంగా తన రెండో పెళ్లి జరగబోతుందని స్పష్టం చేసింది.