Siri Hanmanth : షణ్ముఖ్ జస్వంత్, సిరి హన్మంత్ ఈ పేర్లు ఎక్కడో విన్నట్లు ఉంది కదా.. బిగ్ బాస్ సీజన్ ఫైవ్ లో టాప్ ఫైవ్ కాంటెస్టెంట్ లలో వీరిద్దరూ కూడా ఉన్నారు. బిగ్ హౌస్ కి రాకముందు నుంచి వీరిద్దరూ సోషల్ మీడియాలో బాగా పేరు సంపాదించుకున్నారు. షణ్ముఖ్ కు యూట్యూబ్ లో మంచి ఫాలోయింగ్ ఉంది. సిరి కూడా కొన్ని షార్ట్ ఫిల్మ్స్ లో నటించి ఫేమస్ అయింది. సిరి, షన్ను ఇద్దరూ కూడా కొన్ని షార్ట్ ఫిల్మ్స్ లో నటించారు. బిగ్ బాస్ హౌస్ లోకి రాకముందు నుంచి వీరిద్దరూ మంచి స్నేహితులాగానే అందరికి తెలుసు. కానీ షణ్ముఖ్ జస్వంత్, సిరి హన్మంత్ లు ఎప్పుడయితే బిగ్ బాస్ హౌస్ లోకి ఎంటర్ అయ్యారో అపుడు వీరి వ్యవహారం కాస్త అందరికి తెలిసిపోయింది.
Siri Hanmanth : బిగ్ బాస్ ముందు… బిగ్ బాస్ తర్వాత సిరి, షన్నులు :
బిగ్ బాస్ హౌస్ లోకి రాకముందు స్నేహితులం అని చెప్పుకున్న వీరిద్దరు హౌస్ లో ఒకర్ని ఒకరు హగ్గులు ఇచ్చుకునే సీన్స్ ఎక్కువగా ఉన్నాయి. వీరిద్దరు కౌగిలింతలు చూసి చాలా మంది నెటిజన్లు చాలా రకాలుగా ట్రోల్ చేశారు. ఎందుకంటే వీరు హౌస్ లోకి రాకముందే సిరికి శ్రీహన్ తో నిశ్చితార్థం కూడా అయిపోయింది. అలాగే మరోపక్క షన్ను దీప్తి సునైనాతో ప్రేమలో ఉన్నాడు. ఇలాంటి పరిస్థితులలో సిరి, షన్ను బిగ్ బాస్ హౌస్ లో ప్రవర్తించిన తీరు చూసి నెటిజన్లు సైతం అవాక్ అయ్యారు.
Siri Hanmanth : షన్నుకి బ్రేకప్ చెప్పిన దీప్తి :
ఏకంగా షణ్ముఖ్ జస్వంత్ ప్రియురాలు దీప్తి సునయన అయితే ఏకంగా షన్నుకు బ్రేకప్ కూడా చెప్పేసింది.. వీరిద్దరి బ్రేక్ అప్ గురించి సోషల్ మీడియాలో చాలా రకాల రూమర్లు హల్ చల్ చేసాయి.తాజాగా వీరి బ్రేకప్ వ్యవహారం మీద సిరి హన్మంత్ మొట్టమొదట సారిగా స్పందించింది. అసలు ఇంతకీ సిరి వీరిద్దరి బ్రేకప్ గురించి, షన్ను తో తనకు ఉన్న రిలేషన్ షిప్ గురించి ఏమందో అనే వివరాలు తెలుసుకుందామా..! ఆ వివరాల్లోకి వెళితే .. బిగ్ బాస్ హౌస్ లో సిరి, షన్ను ల హగ్స్ చూసి నెటిజన్లు చాలా రకాలుగా ట్రోల్ చేసారు. సిరి వాళ్ళ అమ్మ అయితే హౌస్ లోకి వచ్చి మరి హగ్స్ గురించి మాట్లాడి మరి వెళ్ళింది.. ఆ తర్వాత నుంచి అయినా హగ్స్ ఇచ్చుకోవడం మానేసారా అంటే అది లేదు.. ఇది కేవలం ఫ్రెండ్ షిప్ హాగ్ మాత్రమే అని అనడం… లాంటివి చేస్తూ వచ్చారు.
నెటిజన్లు అసహనం….. కారణం ఏంటంటే.?
వీళ్ళ తీరు పట్ల నెటిజన్లతో పాటు షన్ను లవర్ దీప్తి కూడా బాగా హర్ట్ అయింది అనే చెప్పాలి.షణ్ముఖ్ జస్వంత్ హౌస్ లోపల ఉన్నంతవరకు అతనికి సపోర్ట్ చేస్తూ వచ్చిన దీప్తి సునైనా అతను బయటకు వచ్చిన తరువాత అతనితో మాట్లాడానికి సైతం నిరాకరించింది. ఆ తర్వాత అతనితో తన రిలేషన్ కి బ్రేక్ అప్ చెబుతున్నట్లుగా సోషల్ మీడియాలో అధికారికంగా తెలిపింది.దీప్తి నిర్ణయాన్ని షణ్ముఖ్ జస్వంత్ కూడా స్వాగతించి, ఇకనుండి అయినా ఆమె సంతోషంగా ఉంటే అదే చాలు అన్నట్లుగా ప్రవర్తించాడు.
షన్ను, దీప్తి ప్రేమ గురించి సిరి ఏంటి ఇలా అనేసింది.?
ఇక తాజాగా వీరిద్దరి బ్రేక్ అప్ విషయంపై సిరి హనుమంతు ఒక ప్రముఖ మీడియా ఛానల్ కి ఇచ్చిన ఇంటర్వ్యూలో స్పందించారు.తనపై సోషల్ మీడియాలో ట్రోలింగ్ రావడంతో డిప్రెషన్కి గురయ్యానని సిరి చెప్పింది. అలాగే బిగ్బాస్ హౌస్లో వంద రోజులు ఉండడం అంటే మాటలు కాదు. అంతమంది కంటెస్టెంట్స్ మధ్య చాలా రకాల ఎమోషన్స్ ను క్యారీ చేయాలిసి ఉంటుందని,అదే తనకు, షణ్ముఖ్ మధ్య కాస్త ఎక్కువైందని సిరి చెప్పుకొచ్చింది.అయితే అది కేవలం హౌస్ వరకు మాత్రమే పరిమితం అని తెలిపింది.అలాగే షణ్ముఖ్, దీప్తి ఇద్దరూ కూడా తనకు మంచి ఫ్రెండ్స్ అని చెప్పడంతో పాటు వారిద్దరూ కేవలం తనవల్లనే విడిపోయారని అనడం కరెక్ట్ కాదని ఆమె చెప్పుకొచ్చింది. షన్ను, దీప్తి ప్రేమ కేవలం వంద రోజుల్లో విడిపోయేంత బలహీనమైనది కాదని నేను నమ్ముతున్నా అని సిరి తెలిపింది. అలాగే సోషల్ మీడియాలో హల్ చల్ చేస్తున్న గాసిప్స్ ను తాను కేవలం పుకార్లుగానే పరిగణిస్థా అని స్పష్టంగా చెప్పుకొచ్చింది సిరి..