హను రాఘవపూడి తెరకెక్కించిన సీతా రామం ఒక ఎపిక్ లవ్ స్టోరీ అని, మనస్సులను హత్తుకునేలా ఉందని అన్ని వర్గాల ప్రేక్షకులు ప్రశంసల వర్షం కురిపిస్తున్నారు. ఈ సినిమాకి హిట్ రావడం దాదాపు ఖాయమైంది! ఈ సినిమాలో రాముడు, సీత పాత్రలలో దుల్కర్ సల్మాన్, మృణాల్ ఠాకూర్ చూపించిన నటనాభినయానికి సినీ ప్రేమికులు మంత్రముగ్దులవుతున్నారు. అయితే దుల్కర్ కంటే సీత రోల్ చేసిన మృణాల్కే ఎక్కువగా పేరు వచ్చింది. ఎందుకంటే ఆ పాత్రకు ఉన్న ప్రాముఖ్యత అలాంటిది. అయితే ఈ పాత్ర గురించి ఒక సంచలన విషయం ఇప్పుడు వెలుగులోకి వచ్చింది. అదేంటంటే ఈ సినిమాలో సీత పాత్ర మృణాల్ కంటే ముందుగా వేరే హీరోయిన్కు దక్కింది. కానీ ఆమె ఈ గోల్డెన్ ఆఫర్ను వదులుకొని ఇపుడు బాధపడుతోంది.
సీతా రామంతో మృణాల్కి ఫుల్ క్రేజ్
మృణాల్ ఠాకూర్ సీతా రామం సినిమాతో సీతగా టాలీవుడ్లో ఎంట్రీ ఇచ్చింది. ఈ ముద్దుగుమ్మ తన లుక్స్, ఎక్స్ ప్రెషన్స్ తో సినీ ప్రియుల హృదయాలను అమాంతం దోచేసింది. ఈ ముద్దుగుమ్మ ఈ పాత్ర కోసం తెలుగు నేర్చుకుని మరీ డబ్బింగ్ చెప్పింది. అలా ఈ సినిమాతో మంచి క్రేజ్ తెచ్చుకుంది. అయితే డైరెక్టర్ సీత పాత్ర కోసం మొదటగా తననే ఎంపిక చేసుకున్నారని ఈ ముద్దుగుమ్మ చెప్పింది కానీ అది నిజం కాదని తేలింది. సీత పాత్రకు మృణాల్ తొలి ఎంపిక కాదనే విషయం బయటకు వచ్చింది.
మంచి ఛాన్స్ మిస్ చేసుకున్న పూజా హెగ్డే
సీతగా పూజా హెగ్డేని నటింపజేయాలని హను రాఘవపూడి మొట్టమొదటిగా ప్లాన్ చేసాడు. ఈ సినిమా కథ విని ఫిదా అయిన పూజా నెల రోజుల పాటు డేట్స్ కూడా ఇచ్చింది. అయితే, సినిమా స్టార్ట్ చేద్దాం అనుకుంటుండగా పూజా హెగ్డేకి కరోనా సోకింది. దీంతో ఆమె చాలా బక్కగా తయారయింది. సీత పాత్రకు ఆమె సెట్ కాదని హను రాఘవపూడి చాలా నిరాశ పడ్డాడు. ఆమె లావు అయ్యే లోపు సమయం పడుతుందని కూడా కలత చెందాడు. అందుకే ఈ ప్రాజెక్ట్ను వేరే హీరోయిన్ తో పూర్తి చేయాలనుకున్నాడు. అప్పుడే మృణాల్ ఠాకూర్ను ఆశ్రయించాడు. ఈ ముద్దుగుమ్మ ఈ కథ విని తనకు ఓకే అని చెప్పడంతో సినిమా మొదలు పెట్టేసాడు దర్శకుడు. అయితే కరోనా వల్ల పూజా హెగ్డే ఈ సువర్ణ అవకాశాన్ని కోల్పోయి ఇప్పుడు చింతిస్తూ ఉన్నట్లు తెలుస్తోంది. ఒకవేళ ఈ సినిమాలో ఈ ముద్దుగుమ్మ నటించినట్లయితే సినిమా రేంజ్ వేరే లెవెల్ లో ఉండేది. అలాగే ఆమెకు ఒక మంచి హిట్ వచ్చేది. కానీ ఆమెకు ఆ అదృష్టం దక్కలేదు.