103 ఏళ్ల వయసు ఉన్న వాళ్లు ఏం చేస్తారు? చెప్పండి. అసలు.. అన్ని సంవత్సరాలు ముందు బతికితే కాదు.. ఏదైనా చేయడానికి అంటారా? అవును.. కరెక్ట్. 100 ఏళ్లు పైబడి బతకడం అనేది కోటి మందిలో ఒక్కరికో ఇద్దరికో దక్కే అవకాశం. ఈరోజుల్లో అయితే 60 ఏళ్లు బతికితే గొప్పే. 60 ఏళ్లు దాటితే కాటికి కాలు చాపుకొని కూర్చోవాల్సిందే. ప్రస్తుత పరిస్థితులు కూడా అలాగే ఉన్నాయి.
కానీ.. ఓ తాత మాత్రం 103 ఏళ్ల వయసులో కూడా ఏదో ఒకటి చేయాలని తాపత్రయ పడి చివరకు యువకులు కూడా భయపడే స్కైడైవింగ్ చేశాడు. ఆశ్యర్యంగా ఉంది కదా.
ఈ తాతది యూఎస్ లోని టెక్సాస్. 103 ఏళ్ల వయసు వచ్చినప్పటికీ.. ఇప్పటికీ ఎంతో యాక్టివ్ గా ఉంటాడు. తన పనులు తానే చేసుకుంటాడు. ఈ వయసులో ఏదో ఒకటి చేయాలని అనుకున్నాడు. అందరినీ ఇన్ స్పైర్ చేయాలనుకున్నాడు. అంతే.. వెంటనే స్కైడైవింగ్ సిద్ధమయ్యాడు.
ఏకంగా 14 వేల అడుగుల పైనుంచి వెళ్తున్న విమానం నుంచి ఇన్ స్ట్రక్టర్ సాయంతో కిందికి దూకేశాడు. తాత చేసిన ఈ సాహసం వీడియో ప్రస్తుతం సోషల్ మీడియాలో వైరల్ అవుతోంది.
మీరు కూడా తాత చేసిన సాహసం చూసి కాస్తో కూస్తో స్ఫూర్తి పొందండి. ఈ వయసులోనే చాలా చేశాం.. ఇక చాలు.. అని అనుకునే వాళ్లు.. 103 ఏళ్ల వయసులో తాత చేసిన సాహసాన్ని చూసి ఎంతో కొంత నేర్చుకోవచ్చు.
Skydiving at 103. Just in case you think you've done enough 🙂#bucketlist #whatsappwonderbox pic.twitter.com/XL4HDz98LF
— Kaypius (@realkaypius) October 10, 2020