House ఇల్లు ఎంత చిన్నదైనా సరే మనకు మన ఇంటి మీద ఏదో ఒక రకమైన ఎమోషన్ ఉంటుంది. ఈ ఎమోషన్ కోసం చాలా మంది చాలా రకాలుగా వ్యవహరిస్తుంటారు. కొందరు తమ ఇంటిని ఎవరికీ అమ్మకుండా భద్రంగా ఉంచుకుంటే మరికొందరు మాత్రం తమకు ఫుల్ ఇష్టమైన ఇంటిని వదిలి ఒక్క క్షణం ఉండలేరు.
చూస్తే చిన్నదే.. కానీ డబ్బులే..
కొన్ని రకాల ఇండ్లు(smallest houses) మనం చూస్తే చిన్నవిగానే ఉంటాయి. కానీ వాటి రేటు మాత్రం ఆకాశాన్నంటుతుంది. అంతలా ఆ ఇండ్లలో ఏముందో ఏమో ఎవరికీ సరిగ్గా అంతు చిక్కదు. కానీ భారీ ధర చెల్లించి కొంత మంది సొంతం చేసుకుంటారు. ప్రస్తుత రియల్ ఎస్టేట్ బూంలో ఓ ఇంటిని కట్టడమంటే మాటలు కాదు. ఎంత చిన్న ఇల్లైనా సరే కోట్లు కావాల్సిందే. ఏదైనా గేటెడ్ కమ్యూనిటీలో ఫ్లాట్ అంటే కొందరు సాహసం చేస్తారేమో కానీ సొంత ఇల్లంటే మాత్రం ఆమడ దూరం పరుగుడెతారు. అంతలా ధరలు పెరిగిపోయాయి.
నమ్మశక్యం కాని ధర
ప్రస్తుతం ఇంటి ధరలు విపరీతంగా పెరిగిపోయాయి అని చెప్పడానికి కింది ఉదాహరణే తార్కాణం. 250 అడుగుల విస్తీర్ణంలో కట్టిన ఇల్లు అందరి అంచనాలను తలకిందులు చేస్తూ దాదాపు $3,15,000 (రూ.2.3 కోట్లకి) అమ్ముడు పోయింది. ఇది నిజ్జంగా నిజం. అమెరికా(America) లోని మాసాచూట్స్ న్యూటన్ హైలాండ్స్లో ఈ ఇల్లు ఉంది. ఈ ఇల్లు ధరను ఆ ఇంటిని అంత ధర వెచ్చించి అమ్మిన ఏజెన్సీయే తెలిపింది.
అసలేముందా ఇంటిలో..
రూపాయి కాదు వంద రూపాయలు కాదు ఏకంగా 2.31 కోట్లు పెట్టేందుకు ఆ ఇంటిలో ఏముందనే అనుమానం ప్రతి ఒక్కరిలోనూ కలుగుతుంది. విశేషమేంటంటే.. ఈ ఇల్లు 50 ఏళ్ల నాటిదట. అదీ కాకుండా అక్కడ అత్యంత ఖరీదైన బోస్టన్ ప్రాంతంలో ఈ ఇల్లు ఉండడం కూడా ఓ కారణంగా కనిపిస్తుంది. అదీ కాకుండా ఈ ఇంటికి దగ్గర్లోనే అనేక మాల్స్, పార్కులు ఉన్నాయట. అందుకోసమే ఈ ఇంటికి ఇంత ధర పలికి ఉండొచ్చునని విశ్లే షకులు అభిప్రాయపడుతున్నారు.
