Vaishnavi Chaitanya : వైష్ణవి చైతన్య Vaishnavi Chaitanya తెలుసు కదా. సోషల్ మీడియా స్టార్. సోషల్ మీడియాను ఫాలో అయ్యే వాళ్లకు తన గురించి ప్రత్యేకంగా చెప్పాల్సిన పని లేదు. తనకు మిలియన్స్ కొద్దీ సోషల్ మీడియాలో ఫాలోవర్స్ ఉన్నారు. అది తన రేంజ్. సాఫ్ట్ వేర్ డెవలపర్ సిరీస్ తో తన స్టార్ డమ్ ఇంకాస్త పెరిగింది. తను చీర కడితే కుర్రకారు మతి పోవాల్సిందే. అంతటి అందం తనకు సొంతం. అందుకే.. తను సోషల్ మీడియాలో ఓ వెలుగు వెలుగుతోంది.
ఈసారి మిస్సమ్మగా Vaishnavi Chaitanya
సాఫ్ట్ వేర్ డెవలపర్ సిరీస్ పూర్తయింది. దానికి చాలా పాజిటివ్ రెస్పాన్స్ వచ్చింది. దీంతో.. వైష్ణవి చైతన్య.. మరో వెబ్ సిరీస్ కు సైన్ చేసింది. దాని పేరే మిస్సమ్మ. ఒక పల్లెటూరు అమ్మాయి పాత్రలో కనిపించింది వైష్ణవి. తాజాగా ఎపిసోడ్ 1 ను విడుదల చేశారు. విడుదలైన ఒక్క రోజులోనే మిలియన్ల కొద్దీ వ్యూస్ ను మిస్సమ్మ ఎపిసోడ్ వన్ సంపాదించుకున్నదంటే.. వైష్ణవి రేంజ్ ఏంటో తెలుసుకోవచ్చు.
నెటిజన్లు అయితే.. మిస్సమ్మగా నటించిన వైష్ణవి నటనకు ఫిదా అయిపోతున్నారు. పల్లెటూరు అమ్మాయి.. పెళ్లి కోసం తన తల్లిదండ్రులు హైదరాబాద్ లో నివాసం ఉంటారు. తనకు పెద్దగా ఇంగ్లీష్ రాదు. సోషల్ మీడియా గురించి కూడా తెలియదు. ఓ సాఫ్ట్ వేర్ సంబంధం సెట్ అవుతుంది కానీ.. తన లైఫ్ స్టయిల్ నచ్చక ఆ అబ్బాయి ఎంగేజ్ మెంట్ అయ్యాక పెళ్లి క్యాన్సిల్ చేసుకుంటాడు. కానీ.. వైష్ణవి మాత్రం ఆ అబ్బాయికే మనసు ఇచ్చేయడంతో.. ఆ అబ్బాయినే తిరిగి తన దారిలోకి తెచ్చుకోవడం కోసం ఏం చేసింది.. అనేదే మిస్సమ్మ స్టోరీ. మొత్తానికి ఎపిసోడ్ వన్ అదిరిపోయింది. మీరు కూడా ఓ లుక్కేసుకోండి.
