Software employees:సాఫ్ట్ వేర్ ఉద్యోగుల జీవితం లో ఎదురవుతున్న సమస్య ల గురించి ఎవరు ఆలోచించడం లేదు..ఐదంకెల జీతం,వారానికి రెండు రోజుల సెలవులు.. వీకెండ్ పార్టీలు.. పబ్బులు,దావత్తులు ఇలా సాగుతుంది సాఫ్ట్ వేర్ ఉద్యోగుల జీవితం.అయితే దానివెనుక చాల కష్టమే ఉంటుంది అని చెప్పక తప్పదు. గంటలు తరబడి సిస్టం ముందు కూర్చుని పనిచేయడం వలన వారికీ మెడ ,వెన్ను ,కంటి సమస్యలు అతి చిన్న వయస్సులో వస్తున్నాయి. ఒక్కొక్కవారం ఒక్కొక్క షిఫ్ట్ ఇంకా చెప్పాలంటే రాత్రి షిఫ్టులు చేసేవాళ్ళు చాల మంది ఉన్నారు.
ఇలా రాత్రికి మేల్కుని.. పగలు నిద్రపోవడం వలన అనేక సమస్యలు వస్తున్నాయి. మానసిక ఆందోళన,డిప్రెషన్ కి గురవుతున్నారు. అయితే సాఫ్ట్ వేర్ ఉద్యోగులకు ఇది ఖచ్చితంగా ఒక హెచ్చరిక లాంటిదే. ప్రస్తుతం బిజీ బిజీ షెడ్యూల్ తో జీవితాన్నిగడుపుతున్న సాఫ్ట్ వేర్ ఉద్యోగులు తమ ఆరోగ్యంపై ఏ మాత్రం దృష్టి పెట్టడం లేదని తాజాగా ఒక ప్రముఖ సంస్థ చేసిన సర్వేలో బయట పడింది.
దీనిలో ప్రతి పదిమంది సాఫ్ట్ వేర్ ఉద్యోగుల లో ఏడుగురి కి కండరాలు అత్యంత బలహీనంగా ఉంటున్నాయి. ఆహారపు అలవాట్లు,మారుతున్న జీవనవిధానం,శరీరానికి కావలిసిన ప్రోటీన్లు తీసుకోకపోవడం.. సరైన వ్యాయామం లేకపోవడమే దీనికి ప్రధాన కారణమని ఈ సర్వేలోబయట పడింది . సాఫ్ట్ వేర్ వచ్చిన తర్వాత సంపాదనైతే పెరిగింది గానీ ఒత్తిడి దాంతో పాటు అనేక ఆరోగ్య సమస్యలు కూడా ఎక్కువైపోయాయి. ఆరోగ్యం ,ఆనందం, లేకపోవడం తో పాటు వారికి సంతాన సమస్యలు కూడా వస్తున్నాయి.
ఆరోగ్యం,ఆనందం ,సంతానం లేనప్పుడు ఎంత సంపాదిస్తే మాత్రం ఏమి లాభం అని బాధ పడే పరిస్థితులు ఉన్నాయి. సంతాన సమస్య సాఫ్ట్ వేర్ ఉద్యోగులు మాత్రమే కాదు.. కెరీర్ కోసం పరుగులు పెడుతున్న యువతరంలో ఎంతో మందిలో ఈ సమస్య ఉంది అనడం లో ఎలాంటి ఆశ్చర్యం లేదు. కాబట్టి యువత ప్రతి ఒక్కరు అలోచించి అడుగు వేయవలిసిన సమయం ఇది..