బిగ్ బాస్ హౌస్ లో మూడో స్థానంలో క్యాష్ ప్రైస్ గెలుచుకొని ప్రస్తుతం బయట మంచి హడావిడి చేస్తున్నాడు సోహెల్. టైటిల్ విన్నర్ అభిజిత్ గెలిచినా గాని మీడియాలో ఎక్కువగా సోహెల్ పేరు వినబడుతోంది. మనసులో ఉన్నది ఉన్నట్లు మాట్లాడుతూ హౌస్ లో అందరి మనసును గెలుచుకున్న సోహెల్.. బయట కూడా అదే రీతిలో ఎమోషనల్ అవుతూ తనని ఆదరించిన ఆడియన్స్కి కృతజ్ఞతలు తెలుపుతున్నాడు.
అంతేకాకుండా హీరోగా పలు సినిమాలు చేయటానికి కూడా రెడీ అయ్యాడు. ఇదిలా ఉండగా హౌస్ లో ఉన్న సమయంలో ఒకానొక సందర్భంలో తనకి బాగా డబ్బు వస్తే అనాధలకు అదేవిధంగా స్వచ్ఛంద సంస్థలకు హెల్ప్ చేస్తానని సోహెల్ మాట ఇవ్వడం జరిగింది. ఆమాట గుర్తుపెట్టుకుని గ్రాండ్ ఫినాలే రోజు పాతిక లక్షలు గెలుచుకుని అదే సమయంలో ఎవరికైనా సాయం చేయాలని అనుకుంటున్నాడో అదే విషయాన్ని నాగార్జునకు తెలపటం.., నాగార్జున సోహెల్ ని మెచ్చుకోవటం మాత్రమే కాక, గెలిచిన డబ్బును సోహైల్ ని ఉంచుకోవాలని, సోహైల్ ఇవ్వాలనుకున్న 10 లక్షల డబ్బులు .. సోహెల్ కి బదులు తానే ఇస్తున్నట్లు అప్పట్లో తెలపటం అందరికీ తెలిసిందే.
ఈ క్రమంలో వచ్చిన డబ్బు తో పాటు తన సొంత డబ్బు కూడా అనాథ ఆశ్రమాలకు స్వచ్ఛంద సంస్థలతో పాటు ఆర్థికంగా నలిగిపోతున్న ఒక కుటుంబాన్ని ఆదుకోవడం కోసం సోహెల్ ఖర్చుపెట్టాడు. ఈ విషయాన్ని సోమాజిగూడ ప్రెస్ క్లబ్లో తెలిపాడు. అంతేకాకుండా రాబోయే రోజుల్లో తన సంపాదనలో 10 నుండి 15 శాతం వరకు హెల్ప్ చేయడానికి ఉపయోగిస్తా అని యువత కూడా ఈ రకంగా ఆలోచించాలని సోహెల్ పిలుపునిచ్చాడు. దీంతో సోహెల్ చేసిన వ్యాఖ్యలకు సోషల్ మీడియాలో మాట మీద నిలబడ్డ సింగరేణి ముద్దుబిడ్డ నీకు ఎదురు లేదు టాలీవుడ్ అడ్డా లో అంటూ మెచ్చుకుంటున్నారు.
