సీజన్ ఫోర్ బిగ్ బాస్ లో మూడో స్థానంలో ఉన్న సోహెల్ పాతిక లక్షల గెలుచుకున్న సంగతి తెలిసిందే. హౌస్ లో ఉన్నంత కాలం జెన్యూన్ గేమ్ ఆడిన సోహెల్.. స్నేహానికి బాగా వ్యాల్యూ ఇస్తూ మనసులో ఉన్నది ఉన్నట్లు మొహం మీద చెబుతూ చాలామంది హృదయాలను గెలుచుకోవటం జరిగింది. అంత మాత్రమే కాక ఇండస్ట్రీలో సినిమా అవకాశాలు కూడా సోహెల్ కి వస్తున్నట్లు వార్తలు వస్తున్నాయి.
ఇదిలా ఉండగా బయట న్యూస్ చానల్స్ కి ఇంటర్వ్యూలు ఇస్తున్న సోహెల్ కి అన్ని చోట్ల ఎదురవుతున్న ఒక ప్రశ్న..రీయూనియన్ ఎపిసోడ్ టైం లో మెహబూబ్ ఏమైనా సైగ చేశాడు. మూడో నెంబర్ అని వేలుతో చూపించడం వెనకాల ఆంతర్యమేమిటని చాలామంది అడుగుతున్నారు. దీంతో ఇంస్టాగ్రామ్ లైవ్ లో ఫుల్ క్లారిటీ ఇచ్చాడు.
అసలు మెహబూబ్ రియూనియన్ ఎపిసోడ్ సమయంలో హౌస్ లోకి వచ్చిన టైమ్ లో గ్లాస్పై చేతి వేళ్లతో ఏమన్నాడో నాకు తెలియదు.! టాప్ 3లో నేను ఉంటానని జడ్జ్ చేయడానికి వాడు బిగ్ బాస్ ఏం కాదు. డబ్బులు గెలుచుకుని బయటికి రమ్మని సిగ్నల్ చేసి ఉంటాడు. అసలు వాడు ఏం చెప్పాడో ముందు అర్ధం కాలేదు. ఆ అంశంపై అఖిల్తో కూడా తర్వాత చర్చించాను. కెరీర్పై ఒట్టేసి చెబుతున్నా.. నిజం మెహబూబ్ అలా ఎందుకు అన్నాడో నాకు తెలియదు.. అంటూ సోహెల్ క్లారిటీ ఇచ్చాడు.