Son Of India : డైలాగ్ కింగ్ మోహన్ బాబు ప్రధాన పాత్రలో రాబోతున్న సినిమా సన్ ఆఫ్ ఇండియా.. ఇప్పటికే Son Of India సినిమా ఫస్ట్ లుక్ పోస్టర్ తో ప్రేక్షకుల్ని ఆకట్టుకుంది.. తాజాగా ఈ సినిమాకు సంబంధించిన లేటెస్ట్ అప్డేట్ వచ్చింది.. ఈ సినిమాలో మోహన్ బాబు సరసన సీనియర్ హీరోయిన్ మీనా నటించనున్నట్లుగా సమాచారం..
మోహన్ బాబు , మీనా జంటగా కలిసి నటించిన అల్లరి మొగుడు సినిమా సూపర్ హిట్ గా నిలిచింది.. ప్రస్తుతం తెరకెక్కిస్తున్న సన్ ఆఫ్ ఇండియా సినిమా సీనియర్ ఎన్టీఆర్ నటించిన మేజర్ చంద్రకాంత్ తరహాలో ఉంటుందని టాక్.. ఈ సినిమాకు ఇళయరాజా సంగీతం అందిస్తున్నారు. మంచు విష్ణు భార్య విరానిక ఈ మూవీకు స్టైలిస్ట్ గా పని చేస్తున్నారు. దేశభక్తి నేపథ్యంలో ఈ సినిమాను రూపొందిస్తున్నారు. ఈ చిత్రానికి డైమండ్ రత్నబాబు దర్శకత్వం వహిస్తున్నాడు. ప్రస్తుతం ఈ మూవీ షూటింగ్ శరవేగంగా జరుపుకుంటుంది. ఇలాంటి కంటెంట్ ఇంతవరకు సినీ ఇండస్ట్రీలో రాలేదని చిత్రం వెల్లడించింది.
చాలా కాలం తర్వాత మళ్ళీ మోహన్ బాబు, మీనా జంటగా రాబోతున్నారు. మీనా కోసం ఈ సినిమా లో అద్భుతమైన క్యారెక్టర్ ను క్రియేట్ చేసినట్లు చిత్ర యూనిట్ తెలిపింది. సెకండ్ ఇన్నింగ్స్ స్టార్ట్ చేసిన మీనా, దృశ్యం లో తన నటనతో మరోసారి ప్రేక్షకుల మనసు గెలుచుకుంది. తాజాగా మలయాళం లో తెరకెక్కిన దృశ్యం2 సినిమాతో మరో సూపర్ హిట్ తన ఖాతాలో వేసుకుంది. మీనా, మోహన్ బాబు కలయికలో రాబోతున్న ఈ సినిమాపై ప్రేక్షకులు మరింత ఆసక్తిగా ఎదురు చూస్తున్నారు.