Sonu sood: సోనూసూద్.. ఈ పేరు ఎక్కడ విన్నా ఒకప్పుడు విలన్ అని అనేవారు. ఇపుడు మాత్రం హీరోలకే హీరో అంటున్నారు. ఇంకాస్త గట్టిగా రియల్ హీరో అనికూడా అంటున్నారు. ఈ రీల్ విలన్ ని వీళ్ళు రియల్ హీరో అని ఎందుకు అంటున్నారో ఇక్కడ ప్రత్యేకించి చెప్పాల్సిన అవసరం లేదు కదా! కరోనా కష్టకాలంలో ఓ దేవుడిలా అనేక మందికి ఇలవేలుపు అయ్యాడు మన సోనూసూద్. కొంతమందైతే ఏకంగా తాము వ్యాపారాలు చేసుకుంటున్న వాటికి సోనూసూద్ పేరునే పెట్టారు ప్రత్యేకంగా. ఇలాంటి సంఘటనలు మనం ఎన్నో చూశాం.
Sonu sood: తాజాగా సోనూసూద్ తన ఉదారాన్ని చాటుకున్నాడు.!
ఇక కరోనా తర్వాత కూడా సోనూసూద్ తన సేవా కార్యక్రమాల్ని కంటిన్యూ చేసాడు. ఒక ట్రస్ట్ ని స్థాపించి ఎన్నో సేవా కార్యక్రమాల్ని దాని ద్వారా చేస్తున్నాడు. అందుకనే ఇప్పుడు సోనూసూద్ ఎంతోమంది గుండెల్లో కొలువుదీరాడు. తాజాగా మరో సేవా కార్యక్రమంతో తన ఉదారాన్ని చాటుకున్నాడు. వివరాల్లోకి వెళితే పంజాబ్ లోని మోగా జిల్లాలో సుమారు 45 గ్రామాల విద్యార్థినులు చదువు నిమిత్తం చాలా దూరం నడిచే వెళ్ళాలి. వాళ్ళ అవసరాన్ని తెలుసుకున్న సోనూసూద్ ‘మోగా కీ బేటి’ క్యాంపెయిన్‌లో భాగంగా మోగా ప‌ట్ట‌ణంలో 1000 మంది విద్యార్థినులకు తన సోద‌రి మాళ‌విక సూద్ స‌చార్‌తో క‌లిసి సైకిళ్లు పంపిణీ చేశాడు.
Free petrol: ఇలా చేస్తే మీ బండిలో పెట్రోల్ ఫ్రీ ఫ్రీ ఫ్రీ!!
అక్కడ సాయం అందుకున్న వారు వీరే..
దాదాపు అక్కడ అందరూ గ్రామాల్లో పెరిగిన విద్యార్థినులే. వారంతా 8 నుంచి 12వ త‌ర‌గ‌తి చ‌దువుతున్న బాలికలు. వారి తల్లిదండ్రులు వారిని ఎంతో శ్రమ చేసి పెంచుతున్నారు. వారికి పూట గడవని పరిస్థితి. కనీసం సైకిళ్ళు కూడా కొనుక్కోలేని పరిస్థితి. దాన్ని చూసి చాలించిన మన కలియుగ దానకర్ణుడు ఆ విద్యార్థినులకు సాయం చేయ‌డ‌మే ల‌క్ష్యంగా సైకిళ్ల‌ను పంపిణీ చేసాడు. అలాగే అక్కడ వారితో పాటు సామాజిక కార్య‌క‌ర్త‌ల‌కు కూడా సైకిళ్లు అందించామ‌ని సోనూసూద్ ఈ కార్యక్రమంలో తెలిపాడు.
