శాంతాబాయ్ పవార్.. గుర్తుందా మీకు. అప్పట్లో ఈ 85 బామ్మ కర్రతో చేసిన మార్షల్ ఆర్ట్స్ వీడియో వైరల్ అయింది కదా. లాక్ డౌన్ కారణంగా ఉపాధి లేక రోడ్డు మీద కర్రసాము చేస్తూ వచ్చిన డబ్బులతో తన దగ్గర ఉన్న పిల్లలను పోషిస్తున్న ఈ బామ్మ.. వీడియో కొన్ని రోజుల కిందట వైరల్ అయింది.
ఆ వీడియోపై వెంటనే స్పందించిన సోనూసూద్… ఆ బామ్మ కోసం మార్షల్ ఆర్ట్స్ స్కూల్ పెట్టించి.. ఉచితంగా అమ్మాయిలకు మార్షల్ ఆర్ట్స్ నేర్పిస్తున్నారు. ఆ బామ్మే పిల్లలకు ఉచితంగా నేర్పిస్తోంది. ఇప్పుడు వాళ్ల బాగోగులన్నీ సోనూసూదే చూసుకుంటున్నారు.
అయితే.. ఆ బామ్మ.. తాజాగా ఈటీవీలో మెరిసింది. తన కర్రసాము ప్రతిభను తెలుగు ప్రేక్షకులకు చూపించింది. దీపావళి కానుకగా… ఈటీవీలో ప్రసారం కానున్న శ్రీకనకమహాలక్ష్మీ లక్కీ డ్రా షోలో పాల్గొన్న బామ్మ.. కర్రసాము చేసి అదరగొట్టేసింది.
ఈసందర్భంగా తాను ఎంత బాధపడింది.. తర్వాత సోనూసూద్ వాళ్లను ఎలా ఆదుకున్నారు.. అన్ని విషయాలను ఆ బామ్మ.. ప్రేక్షకులతో పంచుకుంది. దానికి సంబంధించిన ప్రోమో ప్రస్తుతం సోషల్ మీడియాలో హల్ చల్ చేస్తోంది.