Spinach: మనకు లభించే ఆకుకూరలు బచ్చలికూర కూడా ఒకటి.. మిగతా ఆకుకూరల్లో పోలిస్తే ఇందులో ఎక్కువగా పోషకాలు లభిస్తాయి.. అయితే వీటి ఆకుకూరను అందరూ తినడానికి ఆసక్తి చూపించరు.. దీనిని కూరగా, పప్పు, పులుసు లో వేసుకుని తినవచ్చు.. దీనిని ఏ విధంగా తీసుకున్నా కూడా మన ఆరోగ్యానికి ఎంతో మేలు చేస్తుంది.. బచ్చల కూర తినడం వలన ఎటువంటి ఆరోగ్య ప్రయోజనాలు కలుగుతాయో ఇప్పుడు చూద్దాం..!!
Spinach: బచ్చలి కూర తో ఈ ఆరోగ్య సమస్యలు దూరం..!!
బచ్చలికూర లో విటమిన్ ఏ, బి, సి, ఇ సమృద్ధిగా లభిస్తాయి. ఇంకా ఐరన్, క్యాల్షియం, మెగ్నీషియం, ఫోలేట్ వంటి ఖనిజాలు ఉన్నాయి. ఈ కూరలు తింటే శరీరానికి కావలసిన పోషకాలు లభిస్థాయి. దీంతో మనం ఆరోగ్యంగా ఉండవచ్చు. క్రమం తప్పకుండా బచ్చలి కూర రసం తాగితే బరువు తగ్గుతారని (Weight Loss) పలు అధ్యయనాల్లో తేలింది. వీటిలో ఉండే యాంటీ ఆక్సిడెంట్లు అందుకు కారణం.
బచ్చలి కూర లో ఐరన్ సమృద్ధిగా లభిస్తుంది. దీనిని ప్రతి రోజూ తీసుకుంటే రక్తహీనత (Anemia) సమస్య నుంచి బయట పడుతుంది. ఇందులో ఉండే విటమిన్ సి రోగ నిరోధక శక్తి ని పెంపొందిస్తుంది. శరీరం లోకి హానికర బ్యాక్టీరియా ప్రవేశించకుండా కాపాడుతుంది. ఈ ఆకు కూరలో విటమిన్ ఏ అధికంగా ఉంటుంది. ఇది కంటి చూపును మెరుగుపరుస్తుంది. దీని లో ఫైబర్ కంటెంట్ అధికంగా ఉంటుంది. ఇది సాఫీగా జీర్ణమయ్యేలా చేస్తుంది. మలబద్ధకాన్ని (Constipation) నివారిస్తుంది. ఫైల్స్ సమస్య తో బాధపడుతున్న వారు ఈ ఆకు కూరలు తింటే మెరుగైన ఫలితాలు కనిపిస్తాయి. ఇంకా నాడీ సంబంధిత సమస్యలను తగ్గిస్తుంది. చురుకుగా ఉంచుతుంది. ఒత్తిడి, డిప్రెషన్ ను తగ్గిస్తుంది. జ్ఞాపకశక్తి (Memory Power) ని మెరుగుపరుస్తుంది.
నైట్రేట్లకు బచ్చలి కూర గొప్ప మూలం. ఇవి సహజంగా సంభవించే రసాయన సమ్మేళనాలు. రక్త ప్రవాహాన్ని మెరుగుపరుస్తాయి. ఫలితంగా రక్తపోటు ( BP) ను తగ్గిస్తుంది. ఇది మూత్రపిండాల వాపు ను తగ్గిస్తుంది. ఇది క్యాన్సర్ కారక కణాలకు వ్యతిరేకంగా పోరాడుతుంది. క్యాన్సర్ ను తగ్గించడానికి సహాయపడుతుంది. ముఖ్యంగా ఇది కిడ్నీలకు ఎలాంటి హాని జరనివ్వదు. చిన్న పిల్లలు, గర్భిణీ స్త్రీలు, రుతు సమయంలో మహిళలకు ఈ ఆకుకూరను అందించడం వలన చక్కటి ప్రయోజనాలను చేకూరుస్తుంది.