Sai Dharamtej: సాయి ధరంతేజ్ యాక్సిడెంట్ విషయంలో నరేష్ చేసిన వ్యాఖ్యలను ఇప్పటికే బండ్ల గణేష్ ఖండించడం జరిగింది. అర్థరహితంగా ఎప్పుడు ఏం మాట్లాడాలో తెలియకుండా.. నరేష్ ఇష్టానుసారంగా మాట్లాడుతున్నట్లు ఘాటుగా బండ్ల గణేష్ రియాక్ట్ అయ్యారు. ఇటువంటి తరుణంలో నరేష్ వ్యాఖ్యలపై సినీ నటుడు శ్రీకాంత్ కూడా ఘాటుగా రియాక్ట్ అయి.. అభ్యంతరం వ్యక్తం చేయడం జరిగింది. వీడియో రూపంలో శ్రీకాంత్ స్పందిస్తూ..” సాయి ధరమ్ తేజ్ కి జరిగిన ప్రమాదం చాలా చిన్న ప్రమాదం అని తెలిపారు. ప్రయాణిస్తున్న రోడ్డుపై ఇసుక ఉండటంవల్ల బైక్ స్కిడ్ అయ్యి.. యాక్సిడెంట్ అయింది అని అన్నారు.
అంతేకాకుండా త్వరగా కోలుకుంటారు, కోలుకోవాలని.. ఆ భగవంతున్ని మనస్ఫూర్తిగా కోరుకుంటున్నట్లు తెలిపారు. అదేవిధంగా దయచేసి సాయి ధరంతేజ్ డ్రైవింగ్.. వీడియోలు పెట్టేముందు ఆలోచించండి అని పేర్కొన్నారు. దయచేసి ఫేక్ ప్రచారం చేయొద్దు అని.. ప్రస్తుతం ఇండస్ట్రీలో ఉన్న కుర్ర హీరోలలో చాలా రెస్పాన్సిబుల్.. మెచ్యూర్ కలిగిన హీరో అని శ్రీకాంత్ తెలిపారు. ఇటువంటి తరుణంలో కుటుంబ సభ్యులను టెన్షన్ పెట్టే రీతిలో బైట్స్ పెట్టొద్దు అని శ్రీకాంత్ కోరారు.
ఇదే తరుణంలో నరేష్.. గారు పెట్టిన బైట్స్ ఎవరు పెట్టొద్దని… గతంలో బైక్ యాక్సిడెంట్ లో చనిపోయిన వారి గురించి చెప్పడం.. సరైనది కాదని.. సాయి ధరమ్ తేజ్ త్వరగా కోలుకొవలని భగవంతుని ప్రార్థిస్తున్నాను అని శ్రీకాంత్ తెలిపారు. ముఖ్యంగా నరేష్ తన వీడియోలో.. యాక్సిడెంట్ గురించి స్పందిస్తూ.. అప్పట్లో లో కోట శ్రీనివాసరావు, బాబు మోహన్, పొలిటిషన్ కోమటిరెడ్డి కుమారుల మరణం గురించి మాట్లాడటం పై.. ఇండస్ట్రీకి చెందిన చాలామంది సెలబ్రిటీలు ఘాటుగా రియాక్ట్ అవుతున్నారు. ఏ సమయంలో ఏ విధంగా మాట్లాడాలో కూడా తెలియదా అంటూ మెగా అభిమానులు నరేష్ పెట్టిన వీడియో పై సీరియస్ అవుతున్నారు.