టైటిల్ చూసి బెదిరిపోయారా? వీడెవడ్రా బాబు.. పెగ్గేసి రాశాడా? అని అనుకుంటున్నారా? అదేం లేదండి.. వాళ్లు మాట్లాడుకున్నదే నేనే రాశా. అసలు విషయం ఏంటంటే? యాంకర్ శ్రీముఖి ఉంది కదా.. ఆమె యాంకర్ సుమ ఇంటికి గెస్ట్ గా వెళ్లింది.
అయితే.. ఎవరైనా ఎవరింటికైనా గెస్ట్ గా వెళ్లినప్పుడు.. గెస్ట్ కు మంచి భోజనం పెట్టడం అలవాటు. కానీ.. సుమక్క ఇంట్లో మాత్రం రివర్స్. ఎందుకంటే.. సుమక్క ఇంటికి గెస్ట్ గా వెళ్లినవాళ్లే ఏదో ఒకటి వండాలి.
సుమకు సుమక్క అనే యూట్యూబ్ చానెల్ ఉంది. ఆ చానెల్ లో ఈట్ టాక్ విత్ సుమక్క అనే ప్రోగ్రామ్ ను సుమ చేస్తుంది. ఈ వారం గెస్ట్ గా శ్రీముఖి వచ్చిందన్నమాట.
ఇక.. సుమతో కలిసి శ్రీముఖి చేసిన రచ్చ అంతా ఇంతా కాదు. సుమను శ్రీముఖి సైమక్క అని పిలుస్తుందట. సుమ కూడా శ్రీముఖిని బయట శ్రైముఖి అని పిలుస్తుందట. దీంతో వీళ్లిద్దరు తమ అసలు పేర్లతో కాకుండా.. ఇలాంటి పేర్లతోనే ఈ ప్రోగ్రామ్ లోనూ పిలుచుకున్నారు.
ఇక.. సైమక్క ఇంటికి గెస్ట్ గా వెళ్లిన శ్రైముఖి… అక్కడ చైకెన్ పలవ్ చేసి వావ్ అనిపించింది. దానికి సంబంధించిన పూర్తి వీడియోను సుమక్క చానెల్ లో తాజాగా పోస్ట్ చేశారు. అది మ్యాటర్.