Prabhas: పాన్ ఇండియన్ స్టార్ ప్రభాస్ కి ఇప్పుడు ప్రపంచ వ్యాప్తంగా ఎలాంటి క్రేజ్ ఉందో అందరికీ తెలిసిందే. బాహుబలి తర్వాత ఆయన క్రేజ్ ఊహకందని విధంగా పెరిగిపోయింది. టాలీవుడ్ లో మోస్ట్ ఎలిజిబుల్ బ్యాచ్‌లర్‌గా ఉన్న ప్రభాస్ పెళ్ళికి సంబంధించి గత కొన్నేళ్ళుగా సోషల్ మీడియాలో రక రకాల వార్తలు, రూమర్లు వస్తూనే ఉన్నాయి. అయినా ప్రభాస్ సినిమాలకి సంబంధించిన అప్‌డేట్స్ ఇస్తున్నాడు తప్ప పెళ్ళికి సంబంధించిన న్యూస్ మాత్రం ఏదీ చెప్పడం లేదు. కానీ ఇండస్ట్రీ వర్గాలు, అభిమానులు, యావత్ ప్రేక్షానికం ప్రభాస్ పెళ్ళి వార్త వినాలని, చూడాలని వెయ్యి కళ్ళతో ఎదురు చూస్తున్నారు.
ప్రభాస్ సై అనాలే గానీ ఈ భారీ కటౌట్‌తో ఒక్క గంట డేట్ కి వెళ్ళాలని కొన్ని కోట్లమంది ఆశపడేవారున్నారు. ఇక ఆయనతో సినిమా చేసే హీరోయిన్స్‌కైతే మాటల్లో చెప్పలేని ఆతృత ఉంటుంది. ఎంత ప్రభాస్ పక్కనే నటిస్తున్నా ఆయనతో కొంతసేపు ఏకాంతంగా గడపాలని కోరుకునే స్టార్ హీరోయిన్స్ అన్నీ సినిమా ఇండస్ట్రీలలో ఉన్నారు. హీరోయిన్స్ ని ఎంతో ఆప్యాయంగా చూసే ప్రభాస్ వారికి రక రకాల వంటలతో ఆతిథ్యం కూడా ఇస్తుంటారు. దాని కోసం మన సౌత్ స్టార్ హీరోయిన్స్ నోరూరే ఆతృతతో వేచి చూస్తుంటారు. కానీ ఆయనని పెళ్ళి చేసుకోవాలని ఉందనే కోరికను మాత్రం అంత త్వరగా బయట పెట్టే వారుండరు.
Prabhas: ఓ ఇంటర్వ్యూలో కృతి సనన్ ఇలా షాకింగ్ ఆన్సర్ ఇచ్చి హాట్ టాపిక్ అయింది.
ఈ విషయంలో బాలీవుడ్ బ్యూటీ తన మనసులోని మాటను నిర్మొహమాటంగా బయట పెట్టేసింది. ప్రస్తుతం ప్రభాస్ పౌరాణిక చిత్రం ఆదిపురుష్‌లో నటిస్తున్న సంగతి తెలిసిందే. ఇందులో రాముడిగా నటిస్తున్న ప్రభాస్‌కి జంటగా సీత పాత్రలో నటిస్తున్న కృతి సనన్‌కి ప్రభాస్‌తో డేట్‌కి వెళ్ళాలలని, ఆయనని పెళ్లి చేసుకోవాలని ఉందంటూ ఆసక్తికరమైన వ్యాఖ్యలు చేసింది. తాజాగా ఇచ్చిన ఓ ఇంటర్వ్యూలో కృతి సనన్ ఇలా షాకింగ్ ఆన్సర్ ఇచ్చి హాట్ టాపిక్ అయింది. కాగా ఆది పురుష్ మూవీ ప్రస్తుతం ముంబైలో శరవేగంగా సాగుతోంది. బాలీవుడ్ దర్శక దిగ్గజం ఓం రౌత్ తెరకెక్కిస్తున్నాడు. సైఫ్ అలీఖాన్, సన్నీ సింగ్ ఇతర కీలక పాత్రలో నటిస్తున్నారు.
