బిగ్ బాస్ 4.. ఎన్నో హోప్స్ తో కరోనా ఉన్నప్పటికీ.. ప్రారంభమైన షో. అందులోనూ ఈ షోకు టాలీవుడ్ బిగ్ స్టార్ నాగార్జున హోస్ట్. ఇప్పటికే బిగ్ బాస్ మూడు సీజన్లు తెలుగులో సూపర్ హిట్. అలాగే.. నాలుగో సీజన్ కూడా సూపర్ హిట్టే. కానీ.. ఇక్కడ వచ్చిన సమస్య ఒక్కటే. వంటలక్క సీరియల్ కార్తీక దీపాన్ని మాత్రం బిగ్ బాస్ దాటలేకపోతున్నాడు.
ఇప్పటికే ఫైనల్స్ లో అడుగుపెట్టింది బిగ్ బాస్ షో. ఫైనల్స్ కు ముందు ఎపిసోడ్స్ అంటే ఎంత జోష్ ఉండాలి. ఫైనల్స్ కు ఎవరు వెళ్తారు.. అనేదానిపై ప్రేక్షకుల్లోనూ ఎంతో ఆసక్తి ఉండాలి. కానీ.. గత వారం బార్క్ డేటాను తీస్తే అస్సలు వంటలక్కకు దరిదాపుల్లో కూడా బిగ్ బాస్ లేడు.
నవంబర్ 28, 2020 నుంచి డిసెంబర్ 4, 2020 వరకు విడుదలైన బార్క్ రేటింగ్స్ ప్రకారం.. తెలుగులో టాప్ 5 ప్రోగ్రామ్స్ లో బిగ్ బాస్ జాడే లేదు. భూతద్దం పెట్టి వెతికినా కూడా బిగ్ బాస్ ఎక్కడా కనిపించలేదు. వార్నీ.. ఓవైపు తెలుగు రాష్ట్రాల్లో బిగ్ బాస్.. బిగ్ బాస్ అంటూ తెగ చర్చలు నడుస్తుంటే.. ఈ రేటింగ్స్ ఏంటి మరి ఇంత దరిద్రంగా ఉన్నాయి.
ఇప్పటికీ వంటలక్క సీరియల్.. కార్తీక దీపమే తెలుగులో నెంబర్ వన్ ప్రోగ్రామ్ గా ఉంది. దాని తర్వాత కూడా స్టార్ మా టీవీ సీరియల్ ఇంటింటి గృహలక్ష్మీనే టాప్ 2 లో ఉంది. టాప్ 5లో ఉన్న ప్రోగ్రామ్స్ అన్నీ స్టార్ మా చానెల్ సీరియళ్లే.
దీన్ని బట్టి చూస్తే.. బిగ్ బాస్ కు ఎంత పాపులారిటీ ఉందో అర్థం అవుతోంది. సరే.. అదంటే లాస్ట్ వీక్ డేటా. మరి.. ఇప్పుడు బిగ్ బాస్ చివరి దశకు వచ్చింది కదా. ఇప్పటికైనా వంటలక్కను దాటుకొని బిగ్ బాస్ టాప్ లో ఉంటాడో లేదో చూడాలి.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?