Workouts: మన శరీరానికి వ్యాయామం Workouts చాలా ముఖ్యం అని మన అందరికి తెలిసిందే. కానీ ఈ బిజీ బిజీ షెడ్యూల్ లలో క్రమం తప్పకుండా రోజూ వ్యాయామం చెయ్యడం అస్సలు కుదరదు. ఒకటి రెండు రోజులు వ్యాయామం చేసినా మళ్ళి మూడవ రోజు ఆపేస్తాం. ఇలా జరగకుండా ఉండాలి అనుకుంటే ఇందుకు చాలా కృషి, పట్టుదల తో ఉండాలి. మనలో చాలా మంది వ్యాయామం అనగానే మొదటిలో ఆసక్తి చూపిస్తారు. కొన్ని వారాలు బాగానే చేస్తారు ఆ తరువాత ఇక రాను రాను అశ్రద్ధ చేస్తుంటారు.
అయితే, ఆరోగ్య నిపుణులు ఇస్తున్న సలహా మేరకు ఇలా వ్యాయామం చేస్తూ సడన్ గా ఆపేస్తే అనేక ఆరోగ్య సమస్యలు వచ్చే అవకాశం ఉందట. వ్యాయామానికి మన శరీరం అలవాటు పడ్డాక సడన్ గా వ్యాయామం ఆపేస్తే ఆ ప్రభావం శరీరంలో కొవ్వు పేరుకుపోవడంతో కనిపిస్తుందట. అలాగే ఎన్నో ఆరోగ్య సమస్యలు మరియు సడన్ గా బరువు పెరిగిపోయే అవకాశాలు కూడా ఎక్కువట.
ఇంతకీ వ్యాయామం సడన్ గా ఆపేస్తే ఎటువంటి ఆరోగ్య సమస్యలు వస్తాయో తెలుసా? అప్పటి వరకు ప్రతి రోజూ వర్కవుట్స్ చేసి ఆపేయడం వలన అన్ని రోజులు శరీరంలోని కండరాలు మీద పడిన శ్రమ ఇక పడక పటుత్వాన్ని కోల్పోవడం తో పాటుగా శరీరంలో కెలొరీ లు కూడా చాలా తక్కువగా ఖర్చు అయ్యి తద్వారా బరువు పెరుగుతారు. ఇలా సడన్ గా వ్యాయామం మానేయడం వలన చిన్న చిన్న పనులకే కండరాలు నొప్పిగా మరియు అలసట గా అనిపించి నీరసం వస్తుంది. వీటన్నిటి నుంచి దూరంగా ఉండాలి అంటే సడన్ గా వ్యాయామాన్ని మానేయకూడదు. ఒకవేళ ఏదైనా పరిస్థితిలో మానేయాలి అనుకుంటే మీరు చేయవలసింది క్రమంగా మీ వ్యాయామ సమయాన్ని తగ్గించుకోవడమే.