అల వైకుంఠపురములో లాంటి ఇండస్ట్రీ రికార్డ్ తర్వాత స్టైలిష్ స్టార్ అల్లు అర్జున్ నుంచి రాబోతున్న లేటెస్ట్ సినిమా పుష్ప. లెక్కల మాస్టారు సుకుమార్ ఈ సినిమాని తెరకెక్కిస్తున్నాడు. కన్నడ బ్యూటి రష్మిక మందన్న హీరోయిన్ గా నటిస్తుంది. కాగా సుకుమార్ – అల్లు అర్జున్ ల కాంబినేషన్ లో వస్తున్న హ్యాట్రిక్ సినిమా కావడంతో ఈ సినిమా మీద ఇప్పటికే భారీ అంచనాలు నెలకొన్నాయి.
ఇక గత నెల నుంచి అన్ని సినిమాలు షూటింగ్ కోసం సెట్స్ మీదకి వచ్చిన సంగతి తెలిసిందే. కాని పుష్ప సినిమాకి సంబంధించిన ఎలాంటి అప్డేట్ రాకపోవడంతో ఫ్యాన్స్ కాస్త డిసప్పాయింట్మెంట్ లో ఉన్నారు. ఈ క్రమంలో సుకుమార్.. అల్లు అర్జున్ ఫ్యాన్స్ కి అదిరిపొయో అప్డేట్ ని ఇచ్చాడు. త్వరలో ఈ సినిమాని సెట్స్ మీదకి తీసుకు వెళ్ళేందుకు సుకుమార్ టీమ్ సిద్ధమవుతున్నారని లేటెస్ట్ న్యూస్.
నవంబర్ మూడవ వారం నుండి పుష్ప షూటింగ్ మొదలు పెట్టి ముందుగా సాంగ్స్ ను షూట్ చేయాలని సుకుమార్ ప్లాన్ చేస్తోన్నట్లు తాజాగా అందుతున్న సమాచారం. ఈ సాంగ్స్ కోసం ఇప్పటికే హైదరాబాద్ లో భారీ సెట్స్ ను కూడా నిర్మించారట. ఈ సెట్స్ లో రెండు సాంగ్స్ ను కంప్లీట్ చేస్తారట. ముందుగా బన్నీ – రష్మిక పై ఒక రొమాంటిక్ సాంగ్ షూట్ చేయనున్నారు. ఈ సాంగ్ ను సత్య మాస్టర్ డాన్స్ కొరియోగ్రఫీ చేయబోతున్నాడట.
మరో సాంగ్ ని ఎవరి మీద షూట్ చేయనున్నారన్నది తెలియాల్సి ఉంది. ఇక రెడ్ శాండిల్ స్మగ్లింగ్ నేపథ్యంలో తెరకెక్కుతున్న ఈ సినిమా షూటింగ్ లో ఎక్కువ శాతం కేరళ అడవులలో చిత్రీకరించనున్నారు. ఈ సినిమా కంప్లీట్ చేసి కొరటాల శివ తో నెక్స్ట్ సినిమా చేసేందుకు ఇప్పటికే ప్రణాళిక సిద్దం చేసుకున్నాడు అల్లు అర్జున్.