టాలీవుడ్ టాప్ డైరెక్టర్ సుకుమార్ ప్రస్తుతం అల్లు అర్జున్ తో పుష్ప అనే సినిమా చేస్తున్న సంగతి తెలిసిందే. అంతకుముందు “రంగస్థలం” సినిమా తో బ్లాక్ బస్టర్ విజయాన్ని తన ఖాతాలో వేసుకున్నాడు. ఇప్పుడు “పుష్ప” సినిమా కూడా అదే తరహాలో మాస్ ఎలివేషన్ ఉండే విధంగా బన్నీని ఎర్రచందనం స్మగ్లర్ తరహాలో లారీ డ్రైవర్ పాత్రలో చూపిస్తున్నట్లు టాక్.
ఇదిలా ఉండగా ఇప్పటికే ఈ సినిమాకి సంబంధించి రిలీజ్ అయిన పోస్టర్లు ఈ సినిమాపై అంచనాలు ఓ రేంజిలో పెంచాయి. ఇదిలా ఉండగా ఈ సినిమా తర్వాత సుకుమార్.. విజయ్ దేవరకొండ తో సినిమా చేస్తున్నట్లు ఇప్పటికే ప్రకటించిన సంగతి తెలిసిందే. పాన్ ఇండియా సినిమాగా ఈ సినిమా తెరకెక్కబోతుందట.
అయితే విజయ్ దేవరకొండ తో చేయబోయే సినిమా చాలా త్వరగా మొదలుపెట్టి అతి తక్కువ టైమ్ లోనే కంప్లీట్ చేయాలని సుకుమార్ విజయ్ డిసైడ్ అయినట్లు టాక్. దీంతో ప్రస్తుతం అల్లుఅర్జున్ తో చేస్తున్న “పుష్ప” సినిమా జులై చివరి మాసం కల్లా కంప్లీట్ చేసి ఆగస్టు నుండి విజయ్ దేవరకొండ సినిమా ని తెరకెక్కించడానికి సుకుమార్ నిర్ణయం తీసుకున్నట్లు ఫిలింనగర్ వర్గాల లో టాక్ నడుస్తుంది. మరోపక్క విజయ్ దేవరకొండ డాషింగ్ డైరెక్టర్ పూరి జగన్నాథ్ దర్శకత్వంలో చేస్తున్న “ఫైటర్” సినిమా కూడా త్వరగా కంప్లీట్ చేయాలని.. ఏదిఏమైనా జూలై మాసం కళా సుకుమార్ ప్రాజెక్టు లో జాయిన్ అయిపోవాలని అనుకుంటున్నట్లు ఇండస్ట్రీ వర్గాలు అంటున్నాయి.