Summer Foods : ఎండాకాలం మొదలయిపోయింది అప్పుడే ఎండలు కూడా విపరీతంగా మండిపోతున్నాయి. ఎండ తాకిడి తట్టుకోలేక ప్రజలు అల్లాడిపోతున్నారు. రోజు రోజుకు పగటి పూట ఉష్ణోగ్రత క్రమంగా పెరుగుతోంది.మండుతున్న ఎండలు కారణంగా శరీరంలో వేడి కూడా పెరుగుతుంది. అందుకనే ఆ వేడిని తగ్గించుకోవడానికి పలు రకాల పండ్లు, కూరగాయలు తింటూ ఉండాలి. ఫలితంగా శరీరంలో వేడి తగ్గి బాడీ కూల్ అవుతుంది. మరి వేసవి తాపాన్ని తగ్గించే పండ్లు,కూరగాయలు ఏంటో చూద్దామా.
Summer Foods : వేసవిలో తినాలిసిన ముఖ్యమైన పండ్లు
వేసవికాలం వచ్చిందంటే చాలు ఎక్కడ చుసిన పుచ్చకాయలు కనిపిస్తాయి. నిజానికి వేసవి కాలంలో పూచ్చకాయలు తినడం చాలా మంచిది.పూచ్చకాయలలో నీటి శాతం అధికంగా ఉండడం వలన మీ బాడీ త్వరగా కూల్ అవుతుంది. అలాగే వేసవిలో కీరదోసకాయ కూడా తీసుకుంటే మంచిదని నిపుణులు చెబుతున్నారు.కీర దోసకాయలో ఉండే వాటర్ శరీరం డిహైడ్రెషన్ కు గురికాకుండా చూస్తుంది.
వేసవి తాపాన్ని తగ్గించే కూరగాయలు ఏంటటే..
ప్రతి కూరల్లో మనం వాడే టమాటాలో 95 శాతం నీరు ఉంటుంది.అలాగే టొమోటోలో ఉండే విటమిన్ సి, విటమిన్ బి9,విటమిన్ K శరీరానికి చాలా మంచిది అలాగే టమాటాలలో ఫైబర్ కూడా అధికంగా ఉంటుంది కాబట్టి జీర్ణక్రియలో ఇబ్బందులు రావు. ముఖ్యంగా టమాటాతో ఎండా కాలంలో వేడి తాపాన్ని తగ్గించుకోవచ్చు.అలాగే వంకాయలు కూడా ఎండాకాలం తింటే మంచిదే.ఇందులో ఉండే క్యాల్షియం, ఐరన్, ఫైబర్ వంటివి ఇన్ఫెక్షన్లు సోకకుండా నివారిస్తుంది. వేడి వల్ల కలిగే మలబద్దకం సమస్యలు, జీర్ణ సమస్యలను వంకాయలు దూరం చేస్తాయి.
వేడిని తగ్గించడంలో బెస్ట్ ఇవే :
ఎండాకాలంలో క్యారెట్లు తింటే చాలా మంచిది. వీటిలో నీటి శాతం అధికంగా ఉండడంతో పాటు మరెన్నో పోషకాలు కూడా ఉంటాయి.కాబట్టి క్యారెట్స్ ను తినడం వల్ల శరీరం కూడా చల్లబడుతుంది.పుల్లపుల్లని ఉసిరికాయలు ఆరోగ్యానికి ఎంతో మంచిది. ఉసిరి వల్ల మనకు విటమిన్ సి, మినరల్స్, ఫైబర్ వంటివి లభిస్తాయి కాబట్టి శరీరంలో రోగనిరోధక శక్తిని బలపరచడానికి ఉసిరి కాయలు బాగా పనిచేస్తాయి.