Gurthunda seethakalam : ‘గుర్తుందా శీతాకాలం’ .. టాలీవుడ్ యంగ్ హీరో సత్యదేవ్ – తమన్నా భాటియా నటిస్తున్న లేటెస్ట్ సినిమా. ఈ మధ్య సత్యదేవ్ హీరోగా మారి మంచి కథలను ఎంచుకుంటూ టాలీవుడ్ లో తన క్రేజ్ ని అమాంతం పెంచుకుంటున్నాడు. జ్యోతిలక్ష్మీ సినిమాతో గుర్తింపు తెచ్చుకున్న సత్యదేవ్ ఈ సినిమాతో బాగానే గుర్తింపు తెచ్చుకున్నాడు. ఆ తర్వాత పలు సినిమాలలో వరసగా అవకాశాలు అందుకుంటూ ప్రేక్షకుల్లో తన ఇమేజ్ ని పెంచుకుంటూ వస్తున్నాడు. అంతేకాదు సత్యదేవ్ లో ఉన్న టాలెంట్ చూసి టాలీవుడ్ మేకర్స్ మంచి కథలని ఆఫర్ చేస్తున్నాడు.
పూరి జగన్నాధ్ దర్శకత్వంలో వచ్చిన ఇస్మార్ట్ శంకర్ సినిమాలో సత్యదేవ్ సెకండ్ హీరోగా నటించిన సంగతి తెలిసిందే. ఈ సినిమా సత్యదేవ్ కి విపరీతమైన క్రేజ్ ని తీసుకు వచ్చింది. ఆ తర్వతా ఉమామహేశ్వర ఉగ్ర రూపస్య అన్న సినిమాతో సత్యదేవ్ తన పాపులారిటీని మరింతగా పెంచుకున్నాడు. ఈ క్రమంలోనే గుర్తుందా శీతాకాలం అన్న సినిమాలో అవకాశం దక్కించుకున్నాడు. ఈ సినిమాలో తమన్నా హీరోయిన్ గా నటిస్తుండటం విశేషం. సత్యదేవ్ లాంటి అప్‌కమింగ్ హీరో సినిమా కి సైన్ చేయడం నిజంగా తమన్నా గొప్పతనం.
Gurthunda seethakalam : ఫీల్ గుడ్ మూవీ అని అందరు అభిప్రాయపడుతున్నారు.
ఇక ఈ సినిమా ప్రకటించినప్పటి నుంచి ప్రేక్షకుల్లో .. ఇండస్ట్రీ వర్గాలలో ఆసక్తికరమైన చర్చలు మొదలయ్యాయి. ఈ సినిమా కథ అద్భుతంగా ఉంటుందని చిత్ర యూనిట్ ముందు నుంచి చెప్పుకొస్తున్నారు. టైటిల్ పోస్టర్స్ తో అందరిలో అంచనాలు బాగా పెరిగాయి కూడా. కాగా తాజాగా ఈ సినిమా నుంచి రిలీజైన తమన్న – సత్యదేవ్ ల ఫస్ట్ లుక్ పోస్టర్ సినిమా గ్యారెంటీగా హిట్ అన్న టాక్ ని తెచ్చుకుంది. ఫీల్ గుడ్ మూవీ అని అందరు అభిప్రాయపడుతున్నారు. ఇక ఈ సినిమాని కన్నడ లో సూపర్ హిట్ అయిన ‘లవ్ మాక్టైల్’కు రీమేక్ గా నాగశేఖర్ తెరకెక్కిస్తున్నాడు.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!