జర్నలిస్ట్ ‌లు మహ్మద్ జుబైర్, రోహిత్ రంజన్‌లకు సుప్రీం కోర్టులో ఊరట

ప్రముఖ జర్నలిస్ట్‌లు ఆల్ట్ న్యూస్ సహా వ్యవస్థాపకుడు మహ్మద్ జుబైర్, జీ న్యూస్ యాంకర్ రోహిత్ రంజన్‌లకు సుప్రీం కోర్టులో ఊరట లభించింది. వేరువేరుగా దాఖలైన పిటిషన్ లపై సుప్రీం కోర్టు వారికి ఊరటనిస్తూ ఆదేశాలు జారీ చేసింది. హిందూ దేవతలను అవమానించాడన్న ఆరోపణతో మహ్మద్ జుబైర్ ను పోలీసులు గత నెల 27న అరెస్టు చేసిన సంగతి తెలిసిందే. అయిదు రోజుల కస్టడీ విచారణ పూర్తి అయిన తరువాత ఈ నెల 2న జుబైర్ ను డిల్లీ పోలీసులు న్యాయస్థానం ముందు హజరుపర్చిన నేపథ్యంలో.. జుబైర్ పై నమోదైన కేసులకు నేరపూరిత కుట్ర, ఆధారాల ధ్వంసం సహా విదేశీ విరారాల చట్టం ప్రకారం మరిన్ని సెక్షన్లు చేర్చినట్లు పోలీసులు తెలియజేయడంతో కోర్టు 14 రోజులు రిమాండ్ విధించింది. ఇదే సమయంలో బెయిల్ కోసం జుబైర్ ధరఖాస్తు చేసుకోగా కోర్టు బెయిల్ పిటిషన్ ను కొట్టివేసింది.

మరో పక్క ఉత్తరప్రదేశ్ లోని సీతాపూర్ లో ఆయనపై కొద్ది రోజుల ముందు కేసు నమోదు అయ్యింది. దీనిపై అలహాబాద్ హైకోర్టు ఇచ్చిన  ఆదేశాలను జుబైర్ సుప్రీం కోర్టులో సవాల్ చేస్తూ జుబైర్ దాఖలు చేసిన పిటిషన్ పై విచారణ చేపట్టిన సుప్రీం కోర్టు అయిదు రోజులు మథ్యంతర బెయిల్ మంజూరు చేస్తూ.. ఉత్తరప్రదేశ్ పోలీసులకు నోటీసులు జారీ చేసింది.

కాగా రాహుల్ గాంధీ పై తప్పుడు వీడియోను ప్రసారం చేసిన కేసులో జీ న్యూస్ యాంకర్ రోహిత్ రంజన్ కు సుప్రీం కోర్టులో ఊరట లభించింది. రోహిత్ రంజన్ దాఖలు చేసిన పిటిషన్ పై జస్టిస్ ఇందిరా బెనర్జీ, జస్టిస్ జేకే మహేశ్వరితో కూడిన ధర్మాసనం శుక్రవారం విచారణ జరిపింది. అతనిపై ఎటువంటి బలవంతపు చర్యలు తీసుకోవద్దని సంబంధిత అధికారులను ఆదేశించింది.