Big Boss: సీనియర్ నటి సురేఖ వాణి గురించి ప్రత్యేకంగా చెప్పనవసరం లేదు. క్యారెక్టర్ ఆర్టిస్ట్ గా నటిస్తూ హీరోయిన్ల పక్కన అదే రీతిలో కమెడియన్ బ్రహ్మానందం కి భార్యగా అనేక సినిమాలలో నటించిన సురేఖవాణి.. ఎక్కువగా శ్రీను వైట్ల దర్శకత్వంలో వచ్చిన సినిమాలలో… హైలెట్ పాత్రలు చేయడం జరిగింది. సినిమాల్లో కంటే సోషల్ మీడియాలో సురేఖవాణి అంటే కుర్రకారు అదేరీతిలో నెటిజన్లు పడి చస్తారు. ఆమె చూపించే అందాలకు.. కాలేజీ వయసు కలిగిన కూతురు ఉన్నాగాని ఏమాత్రం వయసుతో సంబంధం లేకుండా సురేఖవాణి పెట్టె ఫోటోలు సోషల్ మీడియాలో తెగ వైరల్ అవుతూ ఉంటాయి.
బీభత్సమైన ఫ్యాన్ ఫాలోయింగ్ ఉన్న సురేఖ వాణి ఈసారి బిగ్ బాస్ సీజన్ ఫైవ్ లో ఎంట్రీ ఇవ్వనున్నట్లు ఇటీవల వార్తలు పుంఖానుపుంఖాలుగా సోషల్ మీడియాలో వస్తున్నాయి. మరోపక్క ఇటీవలే “స్టార్ మా” బిగ్ బాస్ లోగో సీజన్ ఫైవ్ రిలీజ్ చేయడం జరిగింది. ఇటువంటి తరుణంలో సురేఖవాణి సోషల్ మీడియాలో బిగ్ బిగ్ బాస్ హౌస్ లోకి వెళ్తున్నట్లు వస్తున్న వార్తలను ఖండిస్తూ సోషల్ మీడియాలో పోస్ట్ చేసి… మళ్లీ అతి తక్కువ టైంలోనే డిలీట్ చేయడం జరిగింది.
దీంతో సురేఖ వాణి బిగ్ బాస్ హౌస్ లోకి వెళ్తుందా లేకపోతే వెళ్ళట్లేదా అనే విషయంలో అభిమానులతో పాటు బిగ్ బాస్ ప్రేక్షకులు కన్ ఫ్యూజన్ లో పడిపోయారు. మరోపక్క త్వరలోనే సీజన్ ఫైవ్ కి సంబంధించి ప్రోమో రిలీజ్ చేయటానికి షో నిర్వాహకులు సన్నాహాలు చేస్తున్నారు. ఇటువంటి తరుణంలో సురేఖ వాణి బిగ్ బాస్ ఎంట్రీ గురించి పోస్ట్ పెట్టి డిలీట్ చేయడం.. సోషల్ మీడియాలో వైరల్ గా మారింది.