Surgery to Cockroach: ఎవడో బొద్దింకను తొక్కేస్తే తీసుకెళ్ళి ఆపరేషన్ చేయించాడు..! చివరికు ఆ బొద్దింక….

Surgery to Cockroach in Thailand
Share

Surgery to Cockroach:  మనలో ఎంతో మందికి బొద్దింకలు అంటే అలర్జీ ఉంటుంది. ముఖ్యంగా ఆడవాళ్లకు అయితే మహా భయం. వంటింట్లో చిన్న బొద్దింక కనిపించినా హడలిపోతుంటారు. దానిని చంపే వరకు వారికి నిద్ర పట్టదు. అయితే ఇప్పుడు మనం మాట్లాడుకునే వ్యక్తి మాత్రం గాయపడిన బొద్దింకను చూసి “అయ్యో పాపం..!” అంటూ ఆసుపత్రికి తీసుకొని వెళ్ళాడు. వినడానికి విచిత్రంగా అనిపించినా ఇది నిజంగా జరిగిన సంఘటన.

 

Surgery to Cockroach in Thailand
Surgery to Cockroach in Thailand

థాయిలాండ్ కు చెందిన ఒక వ్యక్తి పని మీద వెళుతూ ఉంటే రోడ్డు పక్కన ఒక బొద్దింక కనిపించింది. ఎవరో పాదచారులు దానిని తొక్కివేసిన్నట్లు ఉన్నారు. విపరీతమైన గాయాలతో అది చనిపోయేలా కనిపించడంతో అతని మనసు ఊరుకోలేదు. అందరిలాగా దానిని వదిలి వెళ్ళకుండా… జాలిపడి ప్రాణాలతో కొట్టుమిట్టాడుతున్న దానిని చూసి చలించిపోయి చేతుల్లోకి తీసుకున్నాడు.

వెంటనే థాయిలాండ్ లోని క్రతుం బెన్ కి చెందిన ఒక వెటర్నరీ డాక్టర్ వద్దకు తీసుకెళ్ళాడు. డాక్టర్ కు అసలు విషయం చెబితే దానిని కాపాడాలని ఆ వ్యక్తి తాపత్రయం చూసి అతను కూడా ఆశ్చర్య పోయాడు. దీంతో ఏమాత్రం ఆలస్యం చేయకుండా బొద్దింక కు వెంటనే చికిత్స చేసి ప్రాణాపాయం నుండి కాపాడాడు. ఇక దానికి ఎటువంటి ప్రమాదం లేదు అని డాక్టర్ చెప్పిన తర్వాత ఆ వ్యక్తి కళ్ళల్లో ఆనందం చూసి డాక్టర్ కూడా సంతోషించాడు.

ఇదే విషయాన్ని డాక్టర్ తన ఫేస్బుక్ అకౌంట్ ద్వారా తెలిపాడు. ఇలా చికిత్స చేయడం తన జీవితంలో మొదటిసారి అని… సృష్టిలో ఏ ప్రాణి అయినా విలువైనదే అని ఆలోచించి దాని కోసం ఇంత దూరం వచ్చి ప్రాణాలను కాపాడడం నిజంగా గొప్ప అని డాక్టర్ తన ఫేస్బుక్ పోస్టులో చెప్పాడు. నెటిజన్లు బొద్దింకను కాపాడిన ఆ వ్యక్తిని, డాక్టర్ ను అభినందనలతో ముంచెత్తారు.


Share

Related posts

Pawan Kalyan: అన్న చిరంజీవి పార్టీ ఎంట్రీ పై కీలక కామెంట్లు చేసిన పవన్..!!

sekhar

ఇండిపెండెన్స్ డే స్పెషల్: మోహన్ బాబు సన్ ఆఫ్ ఇండియా పోస్టర్ విడుదల

Vihari

brutal murders: ప్లాష్ న్యూస్ ….విజయవాడలో దారుణ ఘటన..రక్తపు మడుగులో మహిళ, ఇద్దరు చిన్నారులు

somaraju sharma