Teenagers: ఈ ఆధునిక యుగంలో ప్రతి ఒక్కరి చేతిలోనూ స్మార్ట్ ఫోన్ లు ఉంటున్నాయి. ఈ స్మార్ట్ ఫోన్ లను ఎక్కువగా కొంటున్నది మరియు ఉపయోగిస్తున్నది యువతే. అయితే ఈ స్మార్ట్ ఫోన్ ల వలన ఎంత ఉపయోగం ఉందో అంతే ప్రమాదం కూడా ఉందని తాజా అధ్యయనాలు చెబుతున్నాయి. టీవీ మరియు స్మార్ట్ ఫోన్లను ఎక్కువగా వాడుతున్న టీనేజ్ పిల్లలు అనగా 13 నుంచి 19 ఏళ్ళ వయస్కులు మానసికంగా దృడంగా ఉండడంలేదట.
యువత ఫోన్ లలో ఎక్కువగా గేమ్స్ ఆడడం, సోషల్ మీడియా లో గంటలు గంటలు గడుపుతూ ఉండడం వలన వారి నిజ జీవితాన్ని నిర్లక్ష్యం చేస్తున్నారట. పిల్లలు ఆలా ఫోన్ లకు అతుక్కుపోవడం వలన వారు వారి తల్లిదండ్రులు మరియు కుటుంబ సభ్యులతో మాట్లాడడం తగ్గించేస్తున్నారు. ఇది ఏకంగా ఆత్మహత్య ఆలోచనలకు దారితీస్తుందని శాస్త్రవేత్తలు హెచ్చరిస్తున్నారు. ఈ అధ్యయనాన్ని 500 మంది టీనేజీ పిల్లల మీద జరపగా ఈ విషయాలు వెలుగు లోకి వచ్చాయి. ఈ అధ్యయనం 2009లో ప్రారంభం అయ్యి సుమారు 10 సంవత్సరాల పాటు కొనసాగింది.
అలాగే టీనేజ్ పిల్లల తల్లిదండ్రులు తమ పిల్లలను మొబైల్ వాడకానికి మరియు టీవీ కి ఎంత దూరంగా ఉంచితే అంత మంచిది. ఇలా వారిని మొబైల్స్ కి దూరంగా ఉంచడం వలన వారిలో ఆత్మహత్య ఆలోచనలను నివారించవచ్చు. ఈ అధ్యయనానికి సంబంధించిన ఫలితాలు ఇటీవల జర్నల్ ఆఫ్ యూత్ అండ్ అడోలసెన్స్-లో ప్రచురించబడ్డాయి. కాబట్టి మీ పిల్లల మీద మానసిక ఒత్తిడి లేకుండా చెయ్యాలి అంటే అది కేవలం వారిని ఫోన్ నుంచి దూరంగా ఉంచడం వలనే సాధ్యం అవుతుందని ఈ అధ్యయనాలు తెలియజేస్తున్నాయి.
