సెక్స్ ఎడ్యుకేషన్.. ఈ విషయమే ప్రస్తుత తరుణంలో హాట్ టాపిక్గా ఉంది. ఎక్కడ విన్న ,చూసినా, ఎవర్ని కదిలించినా.. పిల్లలకు సెక్స్ ఎడ్యుకేషన్ పాఠాలు అవసరం ఉందా ? లేదా? అన్న విషయం చర్చనియాంశం గా ఉంది. బాలీవుడ్ హీరోయిన్ సోనాక్షి సిన్హా సైతం పిల్లలకు సెక్స్ ఎడ్యుకేషన్ అవసరం ఉందని వ్యాఖ్యానించింది. ఆమెతో పాటుగా చాలామంది నటీ నటులు, విద్యావేత్త లు, మేధావులు లైంగిక విద్య పై తమ ఆలోచనలను పంచుకున్నారు.
లైంగిక వేధింపులు, రేప్లు ఎక్కువవుతున్న సమయంలో సెక్స్ ఎడ్యుకేషన్ తెర పైకి వచ్చింది. ముఖ్యంగా స్కూల్ ళ్లలో, ఇంటా, బయటా కూడా చిన్న పిల్లలు లైంగిక వేధింపులకు గురవుతున్న కారణం గా దీని పై జోరు గా చర్చ జరుగుతోంది. అంతేకాదు.. బ్రిటన్లో ఉన్న పాఠశాలలు చిన్నారులలో సెక్స్ ఎడ్యుకేషన్పట్ల అవగాహన కల్పించడం కోసం పాఠాలు చెప్పేందుకు సిద్ధమయ్యాయి. దాదాపు 240కి పైగా ప్రైమరీ స్కూళ్ల లో ‘మీ సెక్స్ ఎడ్యుకేషన్’ కార్యక్రమంలో భాగంగా పాఠాలను బోధించనున్నారు.
‘టచింగ్ ప్రైవేట్ పార్ట్స్’ గురించి పిల్లలకు వివరించి చెప్పాలని అక్కడి విద్యాశాఖ స్పష్టం చేసింది. పిల్లల జననాంగాలను అసభ్యం గా తాకడం, వారిని సెక్స్కు ప్రేరేపించడం లాంటివి చేసే వారి పట్ల ఎలా అప్రమత్తం గా ఉండాలని టీచర్లు విద్యార్థులకి బోధిస్తారు. కేవలం బ్రిటన్లోనే కాదు ఇంకొన్ని పాశ్చాత్య దేశాల్లోకూడా పిల్లలకు సెక్స్ పాఠాలు బోధించేందుకు నిర్ణయంచుకున్నాయి. మరి దీని పై ప్రజాభిప్రాయం ఎలా ఉందో తెలుసుకోవాలనుకున్న రట్జర్స్ వర్సిటీ కి చెందిన శాస్త్రవేత్తలు అమెరికాలో ఓ సర్వే చేసారు.
ఆ సర్వే లో పలు ఆసక్తికర అంశాలు వెలుగు చూశాయి . అవేంటంటే.. పోల్లో పాల్గొన్న 83 శాతం మంది ఓటర్లు పిల్లలకు సెక్స్ ఎడ్యుకేషన్ చాలాఅవసరమని తెలియ చేశారట. 15 శాతం మంది మాత్రం కొంత వరకు ముఖ్యమేనని అనగా, 2 శాతం మంది మాత్రం లైంగిక విద్య అవసరం ఏమి లేదని తెలిపారట. మరో రెండు శాతం మంది మాత్రం అస్సలు తమ అభిప్రాయం తెలియచేయలేదట.
మాధ్యమిక విద్యను అభ్యసించే సమయంలో సెక్స్ ఎడ్యుకేషన్ ఉంటే మంచిదని 64 శాతం మంది సూచించగా,కొంత వరకే బోధించాలని 25 శాతం మంది చెప్పగా , అసలు బోధించవద్దని 4 శాతం మంది అభిప్రాయపడ్డారట. సర్వే పై మాట్లాడిన రట్జర్స్ వర్సిటీ ప్రొఫెసర్ టీనేజ్ వయసు లో గర్భం రాకుండా నిరోధించేందుకు, లైంగిక వ్యాధులు రాకుండా ఉండేందుకు లైంగిక విద్య అవసరం చాల ఉందని తమ పోల్లో తేలిందని అన్నారు.