Tapsee : తాప్సీ టాలీవుడ్ లో ఝుమ్మంది నాదం సినిమాతో పరిచయమైన సంగతి తెలిసిందే. డెబ్యూ సినిమాతోనే దర్శకేంద్రుడు కె.రాఘవేంద్ర రావు లాంటి దర్శక దిగ్గజం తో చేసే అవకాశం అందుకుంది. ఈ సినిమాతో మంచి పేరు తెచ్చుకున్న తాప్సీ ఆ తర్వాత ప్రభాస్, రవితేజ, మంచు విష్ణు, వెంకటేష్, గోపీచంద్ లాంటి స్టార్ హీరోలతో నటించింది. అయితే టాలీవుడ్ లో స్టార్ హీరోయిన్ అన్న మాట కి కాస్త దూరంలో ఉండిపోయింది. దాంతో బాలీవుడ్ వైపు చూసింది. బాలీవుడ్ లో వచ్చిన ఒక్కో ఛాన్స్ ని బాగా ఉపయేగించుకుంది తాప్సీ. అదృష్టం కలిసి వచ్చింది. బాలీవుడ్ లో తాప్సీ కి మంచి కథా బలమున్న సినిమాలు చేసే అవకాశం దక్కింది.
ఒకవైపు జుడ్వా 2 లాంటి పక్కా ఎంటర్టైన్మెంట్ సినిమాలు చేస్తూనే మరో బిగ్ బి అమితాబ్ బచ్చన్ లాంటి సీనియర్ స్టార్ హిరోలతో సినిమాలు చేసే అవకాశాలు అందుకుంటోంది. పింక్.. బద్లా..మిషన్ మంగల్ లాంటి అద్భుతమైన సినిమాలు తాప్సీ అకౌంట్ లో చేరుతున్నాయి. తెలుగులో అవకాశాలు లేవని బాధపడే సమయం కూడా తాప్సీ కీ దొరకడం లేదు. ప్రస్తుతం తాప్సీ సంవత్సరంలో మూడు లేదా నాలు సినిమాలు మాత్రమే చేయగలుగుతున్నానని .. తన టార్గెట్ 5 సినిమాలంటూ చెప్పుకొచ్చింది. ఆ టార్గెట్ రీచ్ అయినప్పుడే పర్సనల్ లైఫ్ గురించి ఆలోచిస్తానంటూ తెలిపింది.
Tapsee : నా పర్సనల్ లైఫ్ – ప్రొఫెషనల్ లైఫ్ వేర్వేరుగా ఉండాలని కోరుకొన్నాను.
అంతేకాదు ప్రతీ విషయంలో క్లారీటీగా మాట్లాడుతూ రియాక్ట్ అయ్యే తాప్సీ తాజాగా తన బాయ్ ఫ్రెండ్ ఎవరన్నది తెలిపింది. డెన్మార్క్ చెందిన షట్లర్ మాతియాస్ బోయ్ తో ప్రేమలో పడిందట. మాతియాస్ బోయ్ డెన్మార్క్ తరపున బాడ్మింటన్ క్రీడలో ఒలంపిక్ యూరోపియన్ గేమ్స్ లో రాణించాడు. అంతేకాదు 2012లో ఒలంపిక్స్ లో సిల్వర్ మెడల్ గెలిచాడు. అలాగే 2015లో యూరోపియన్ గోల్డ్ మెడల్ సొంతం చేసుకొన్నారు. కొన్నేళ్లుగా తాప్సీ అతనితో డేటింగ్ రిలేషన్షిప్ లో ఉంది. ‘నాకు మొదటి నుంచి సినీ ఇండస్ట్రీ వారితో రిలేషన్షిప్ డేటింగ్ చేయడం ఇష్టం లేదు. నా పర్సనల్ లైఫ్ – ప్రొఫెషనల్ లైఫ్ వేర్వేరుగా ఉండాలని కోరుకొన్నాను. అందుకే వేరే రంగానికి చెందిన మాతియాస్తో ప్రేమలో పడ్డాను.. అంటూ తన పర్సనల్ లైఫ్ గురించి ఆసక్తి కరమైన విషయాలను తెలిపింది.