‘లక్ష్మీస్‌ ఎన్‌టిఆర్’ పై ఈసీకి ఫిర్యాదు

ఢిల్లీ : ఎన్‌టిఆర్ జీవితంలోని కొన్ని సంఘటనల ఆధారంగా దర్శకుడు రామ్‌గోపాల్‌ వర్మ తెరకెక్కించిన ‘లక్ష్మీస్‌ ఎన్‌టిఆర్’ చిత్ర విడుదలను నిలిపివేయాలని కోరుతూ టిడిపి కార్యకర్త దేవీబాబు కేంద్ర ఎన్నికల సంఘానికి ఫిర్యాదు చేసాడు.

ఆంధ్రప్రదేశ్‌లో జరగనున్న ఎన్నికలపై ప్రభావం చూపేలా ఈ చిత్రం ఉందని ఆయన ఫిర్యాదులో పేర్కొన్నారు. సినిమాలో ముఖ్యమంత్రి చంద్రబాబు పాత్రను నెగిటివ్‌గా చూపించారని, ఈ చిత్రం ఓటర్లపై ప్రభావం చూపుతుందని దేవీబాబు అభ్యంతరం తెలిపారు.

ఏప్రిల్‌ 11 వరకు ఈ చిత్రం విడుదలను నిలిపివేయాలని ఆయన విజ్ఞప్తి చేశారు. ఫిర్యాదు కాపీని స్వీకరించిన కేంద్ర ఎన్నికల సంఘం అధికారులు పరిశీలన కోసం రాష్ట్ర ఎన్నికల ప్రధాన అధికారికి పంపారు.

మరోవైపు ఫిర్యాదుపై రాంగోపాల్ వర్మ ట్విటర్‌ వేదికగా స్పందించారు. ‘లక్ష్మీస్‌ ఎన్టీఆర్‌ను నిలిపివేయాలని ఎన్నికల సంఘానికి టిడిపి ఫిర్యాదు చేసింది. చంద్రబాబును నెగెటివ్‌గా చూపించారని టిడిపి భావిస్తోంది. నిజాన్ని ఎవరూ దాచలేరని టిడిపి నేతలు గుర్తుపెట్టుకోవాలి’ అని రాంగోపాల్ వర్మ ట్వీట్ చేశారు.

ఈ నెల 22న లక్ష్మీస్‌ ఎన్టీఆర్‌ను  విడుదల చేస్తున్నట్టు రాంగోపాల్ వర్మ ప్రకటించారు.

Those from TDP party complaining to Election commission to STOP release of #LakshmisNTR because it might show the Andhra Pradesh Chief Minister @ncbn in bad light should realise that no one can in hell can STOP TRUTH https://t.co/6qLZnbGPfy

— Ram Gopal Varma (@RGVzoomin) March 12, 2019

sarath

See Full Bio