పవర్ స్టార్ పవన్ కళ్యాణ్ వకీల్ సాబ్ సినిమా గురించే ఇండస్ట్రీలో హాట్ హాట్ గా చర్చించుకుంటున్నారు. ఇక ఫ్యాన్స్ అయితే మూడేళ్ళ తర్వాత మళ్ళీ స్క్రీన్ మీద చూడబోతున్నామన్న ఆతృతగా ఎదురు చూస్తున్నారు. ఇలా ఫ్యాన్స్ ఎంత ఆతృతగా ఎదురు చూస్తున్నారో అంతకంత లేటవుతూ గత మే 15 న రిలీజ్ కావాల్సిన ఈ సినిమా ఇంకా రిలీజ్ డేట్ లాక్ చేయలేకపోయారు. కారణం అందరికి తెలిసిందే. కాగా గత కొన్ని రోజులుగా పవన్ కళ్యాణ్ నవంబర్ 1 నుంచి మళ్ళీ వకీల్ సాబ్ షూటింగ్ లో జాయిన్ అవుతున్నాడన్న వార్త సోషల్ మీడియాలో వైరల్ అయింది.
కాగా అనుకున్నట్టుగానే పవన్ కళ్యాణ్ వకీల్ సాబ్ సెట్ లో అడుగుపెట్టినట్టు తాజా సమాచారం. పవన్ కళ్యాణ్ తో పాటు మితగా తారాగణం కూడా ఈ షెడ్యూల్ లో పాల్గొంటున్నట్టు తెలుస్తుంది. కరోనా నిబంధనల తో పాటు అన్ని జాగ్రత్తలు పాటిస్తూ చిత్రీకరణ మొదలు పెట్టినట్టు సమాచారం. కాగా లేటెస్ట్ న్యూస్ ఏంటంటే వకీల్ సాబ్ నుంచి మెగా ఫ్యాన్స్ తో పాటు ప్రేక్షకులు ఎంతో ఆతృతగా ఎదురు చూస్తున్న టీజర్ ని రిలీజ్ చేయనున్నారని తెలుస్తుంది.
ప్రస్తుతం బ్యాలెన్స్ ఉన్న ఈ సినిమా కోసం పవన్ కళ్యాణ్ 20 రోజులకి పైగానే బల్క్ డేట్స్ కేటాయించాడట. నాన్ స్టాప్ గా పవన్ కళ్యాణ్ పాల్గొంటే ఈ నెలాఖరు కల్లా గుమ్మడికాయ కొట్టేస్తారని అంటున్నారు. అంతేకాదు ఇప్పుడు పవన్ కళ్యాణ్ మీద తెరకెక్కించబోతున్న కోర్ట్ సీన్స్ నుంచి టీజర్ కి కావలసిన షాట్స్ ని తీసి హిందీ, తమిళం కంటే ధీటుగా టీజర్ ని రెడీ చేయనున్నట్టు తెలుస్తుంది. కాగా ఈ టీజర్ ని దీపావళి పండుగ నాడు రిలీజ్ చేసేందుకు ప్లాన్ చేస్తున్నట్టు తెలుస్తుంది.