మార్గదర్శి చిట్ ఫండ్ వ్యవహారం కేసులో చైర్మన్ రామోజీరావు, మేనేజింగ్ డైరెక్టర్ శైలజా కిరణ్ లకు తెలంగాణ హైకోర్టులో బిగ్ రిలీఫ్ లభించింది. ఈ విషయంలో తెలంగాణ హైకోర్టు కీలక ఆదేశాలు జారీ చేసింది. మార్గదర్శి చైర్మన్ రామోజీరావు, మేనేజింగ్ డైరెక్టర్ శైలజా కిరణ్ లపై ఎలాంటి బలవంతపు చర్యలు తీసుకోవద్దని హైకోర్టు స్పష్టం చేసింది. ఏపిలో ఇటీవల మార్గదర్శి చిట్ ఫండ్స్ కు చెందిన అనేక బ్రాంచీలలో ఏపీ సీఐడీ సోదాలు జరిపింది. పలువురు మేనేజర్ లను అరెస్టు చేసింది. బ్రాంచ్ లలో పలు రికార్డులను సీజ్ చేసింది. దీనిపై రామోజీరావు, శైలజా కిరణ్ తెలంగాణ హైకోర్టును ఆశ్రయించారు.
ఇవేళ విచారణ సందర్భంలో మార్గదర్శి తరపున సుప్రీం కోర్టు సీనియర్ న్యాయవాది సిద్ధార్ధ్ లూథ్రా వాదనలు వినిపించారు. తమ క్లయింట్ పై వేధింపుల్లో భాగంగానే ఈ సోదాలు జరిగాయని కోర్టుకు తెలిపారు. చిట్ ఫండ్ నిధులను ఇతర మ్యూచువల్ ఫండ్లకు బదిలీ చేశారన్న అబియోగాలపై హైకోర్టు ధర్మాసనం స్పందించింది. నిధులను ఈ విధంగా మళ్లిస్తే దాన్ని నిధులు దుర్వినియోగం అనలేమని స్పష్టం చేసింది. ఖాతాదారులను మోసం చేశారని భావించలేమని తెలిపింది. మార్గదర్శి ఖాతాదారులు ఎవరూ ఫిర్యాదు చేయకపోయినా ప్రభుత్వం ఇలాంటి చర్యలకు ఉపక్రమించడంపై ధర్మాసనం ఆశ్చర్యం వ్యక్తం చేసింది.
ఏపిలో మార్గదర్శి చిట్ ఫండ్స్ పై ఖాతాదారులను ఎటువంటి ఫిర్యాదులు అధికార యంత్రాంగానికి అందలేదు. అయితే మార్గదర్శిల చిట్ ఫండ్ లో నిబంధనల ఉల్లంఘనలకు పాల్పడ్డారన్న అభియోగంపై రాష్ట్రంలో మార్గదర్శికి 37 శాఖలు ఉండగా 17 శాఖల్లో తనిఖీలు నిర్వహించారు. ఆడిటర్ నివేదిక ఆధారంగా ఉల్లంఘనలపై నిర్ధారణకు వచ్చారు. చిట్స్ వ్యాపారం నిర్వహిస్తున్న ఏడు చోట్ల నుండి అసిస్టెంట్ రిజిస్ట్రార్లు ఫిర్యాదు మేరకు ఏపీ సీఐడీ కేసు నమోదు చేసింది. అడిటర్ నివేదిక ప్రకారం ఆర్ధిక ఉల్లంఘనలు జరిగినట్లుగా గుర్తించి కేసులు మోదు చేశారమనీ, విశాఖ, రాజమండ్రి, గుంటూరు ఫోర్ మెన్ ఆఫ్ చిట్స్ ను విచారించి అరెస్టు చేశామని గత వారం ఏపీ సీఐడీ చీఫ్ సంజయ్ మీడియాకు తెలిపారు. మార్గదర్శి చిట్స్ ఇలాగే నిబంధనల ఉల్లంఘనలకు కొనసాగించి, మతో సహకరించకుంటే రాష్ట్రంలో ఆ సంస్థను మూసివేయించేందుకు ఏ మాత్రం వెనుకాడబోమని స్టాంప్ అండ్ రిజిస్ట్రేషన్స్ ఐడీ వీ రామకృష్ణ గత వారం హెచ్చరించారు. ఈ తరుణంలో తెలంగాణ హైకోర్టు కీలక ఆదేశాలు జారీ చేసింది.
ఏపీకి ప్రత్యేక హోదాపై కేంద్రం ఇచ్చిన క్లారిటీ ఇది
