తెలంగాణ రాష్ట్ర హోం మంత్రి మహమూద్ ఆలీకి కరోనా సోకింది. మూడు రోజుల క్రితం ఆయన కరోనా టెస్ట్ చేయించుకున్నట్టు తెలుస్తోంది. ఈ రిపోర్ట్స్ లో ఆయనకు పాజిటివ్ రిపోర్ట్స్ వచ్చాయి. ఆలీకి ఆస్తమా ఉండటంతో ముందుజాగ్రత్తగా ఆయన్ను ఆసుపత్రిలో చేర్పించారు కుటుంబసభ్యులు. ప్రస్తుతం ఆయన ఓ ప్రైవేట్ ఆసుపత్రిలో చికిత్స పొందుతున్నారు. నిన్న సాయంత్రమే కుటుంబసభ్యులు ఆయన్ను ఆసుపత్రిలో చేర్చారు.
తెలంగాణలో.. ముఖ్యంగా హైదరాబాద్ లో కరోనా తీవ్రత ఎలా ఉందో తెలుస్తోంది. ఎంతో కట్టుదిట్టమైన జాగ్రత్తలతో ఉండే ప్రజా ప్రతినిధులను కూడా కరోనా వదిలిపెట్టడం లేదు. ఇప్పటికే హైదరాబాద్ లో కరోనా పరిస్థితిపై కేంద్ర బృందం పర్యటిస్తోంది. ఈ నేపథ్యంలో మహమూద్ ఆలీకి కరోనా పాజిటివ్ రిపోర్ట్ రావడం సంచలనం రేపుతోంది.