జనసేనాని పవన్ ఎన్నికల వాహనం ‘వారాహి’ రిజిస్ట్రేషన్ పై రవాణా అధికారి ఇచ్చిన క్లారిటీ ఇది

జనసేన అధినేత పవన్ కళ్యాణ్ తన ఎన్నికల ప్రచారం కోసం సిద్దం చేసుకున్న వాహనం వారాహి రంగుపై వైసీపీ నేతలు వివాదాన్ని సృష్టించిన సంగతి తెలిసిందే. ఆలివ్ గ్రీన్ కలర్ లో ఉన్న వాహనానికి రవాణా శాఖ అధికారులు అనుమతులు కూడా ఇవ్వరు అంటూ ఏపి రవాణా శాఖ మాజీ మంత్రి, మచిలీపట్నం వైసీపీ ఎమ్మెల్యే పేర్ని నాని పేర్కొన్నారు. వైసీపీ విమర్శలకు జనసేన అధినేత పవన్ కళ్యాణ్. ఆ పార్టీ నేతలు కౌంటర్ లు ఇచ్చారు. మరో పక్క ఈ వాహనం కలర్ పై వివాదం నెలకొన్న సందర్భంలో తెలంగాణ రిజస్ట్రేషన్ అధికారులు సదరు వాహనానికి రిజిస్ట్రేషన్ చేయలేదంటూ సోషల్ మీడియాలో ప్రచారం జరిగింది.

అయితే ఆ వాహనానికి రిజిస్ట్రేషన్ ప్రక్రియ వారం క్రితమే పూర్తి అయినట్లు తెలంగాణ డిప్యూటి ట్రాన్స్ పోర్టు కమిషనర్ పాపారావు తెలిపారు. ఆ వాహనం రిజిస్ట్రేషన్ కు వచ్చిన సమయంలో అన్ని నిబంధనలు చూసి వాటి ప్రకారం వాహనం ఉంటే రిజిస్ట్రేషన్ చేయడం జరుగుతుందని తెలిపారు. బాడీ బీల్డర్ ఇచ్చిన సర్టిఫికెట్ ప్రకారం అది ఎమరాల్డ్ గ్రీన్ కలర్ కావడంతో రిజిస్ట్రేషన్ చేయడం జరిగిందన్నారు. ఆలివ్ గ్రీన్ కలర్ కేవలం మిలటరీ వాహనాలకు మాత్రమే రిజిస్ట్రేషన్ చేయడం జరుగుతుందని, అయితే ఈ వాహనం ఆలివ్ గ్రీన్ కలర్ కాదని ఆయన పేర్కొన్నారు.

ఆలివ్ గ్రీన్ కలర్ మాదిరిగా ఉన్నప్పటికీ అది ఆ కలర్ కాదని, ఎమరాల్డ్ గ్రీన్ కలర్ గా కావడంతో రిజిస్ట్రేషన్ చేయడం జరిగిందని తెలిపారు. ఇక వాహనం టైర్ల విషయానికి వస్తే తమ వద్దకు రిజిస్ట్రేషన్ కు వచ్చిన సమయంలో నిబంధనల ప్రకారమే ఉన్నాయని చెప్పారు. కాగా వారాహి వాహనానికి తెలంగాణ రవాణా శాఖ TS13EX 8384 నెంబర్ కేటాయించినట్లు తెలుస్తొంది.

'Varahi' Registration done ✅

No issues with the colour – Confirmed by Deputy transport commissioner.pic.twitter.com/gafw4MtmoY

— Trend PSPK (@TrendPSPK) December 12, 2022

sharma somaraju Content Editor

See Full Bio