తెలుగు టెలివిజన్ రంగంలో శివ పార్వతి అనేక సీరియల్స్ లో నటిస్తూ ప్రేక్షకులను ఎంతగానో అలరిస్తూ ఉంటారు. అటువంటి శివ పార్వతి ఇటీవల కరోనా బారిన పడి చికిత్స తీసుకుంటున్నారు. ఇలాంటి క్లిష్ట సమయంలో ఒకే ఫీల్డ్ లో పని చేస్తున్నటువంటి సీరియల్ నటులు దర్శకులు మరియు నిర్మాతలు నుండి ఇటువంటి కష్టకాలంలో ఆమెకు సరైన సపోర్టు లేకపోవటం ఇప్పుడు తెలుగు ఇండస్ట్రీలో పెద్ద హాట్ టాపిక్ అయింది.
కరోనా లాక్ డౌన్ సమయంలో ఇండస్ట్రీలో చాలా మంది హీరోలు ఆహరం పొట్లాలు, కూరగాయలు, సరుకుల ప్యాకెట్లు పంచిపెట్టి తమ ఉదారతను చాటుకున్నారు. కానీ ఇండస్ట్రీలో తమతోపాటు బ్రతుకుతూ నటిస్తున్న తోటి నటి శివపార్వతి కి ఏలాంటి సపోర్టు రాకపోవడం దురదృష్టకరమని సోషల్ మీడియాలో నెటిజన్లు అంటున్నారు.
పైగా వయసు కలిగిన ఈమెకు ధైర్యం చెప్పే వాళ్ళు కూడా ఇండస్ట్రీలో లేకపోవడం దారుణమని, అసలు తెలుగు సీరియల్ ప్రొడ్యూసర్లు ఇంత దుర్మార్గంగా ఉంటారా? మనుషులేనా? అని సోషల్ మీడియాలో కామెంట్ చేస్తున్నారు. వరదలు వచ్చిన సమయంలో ప్రకృతి వైపరీత్యాలు కలిగిన టైములో అసోసియేషన్ లు పెట్టి కార్యక్రమాలు నిర్వహించి విరాళాలు సేకరించే వారు…. తోటి నటులను కూడా పట్టించుకోవాలని కోరుతున్నారు. ప్రస్తుతం తాను చేస్తున్న సీరియల్ నిర్మాతలు ఎవరూ తనని ఆదుకోవడం లేదని, యూనిట్ సభ్యుల నుండి కూడా కనీస పరామర్శ రావటం లేదని శివ పార్వతి కూడా సోషల్ మీడియాలో వీడియో పోస్టర్ రిలీజ్ చేయడం జరిగింది. దీంతో ఈ వీడియో ప్రస్తుతం సోషల్ మీడియాలో వైరల్ గా మారింది. సీరియల్ సెలబ్రిటీ గా శివ పార్వతమ్మ మాట్లాడిన వీడియో చాలా మందిని కదిలిస్తుంది.
