Nithin : నితిన్ చెక్ సినిమాకి పోటీ గా రిలీజయ్యే సినిమాలు చాలానే ఉన్నాయి. చాలానే అంటే ఓ పది సినిమాలు. గత ఏడాది భీష్మ సినిమాతో భారీ హిట్ అందుకున్న నితిన్ వరసగా సినిమాలను లైన్ లో పెట్టిన సంగతి తెలిసిందే. వాటిలో థ్రిల్లర్ బ్యాక్ డ్రాప్ లో రూపొందిన చెక్ సినిమా మరికొన్ని గంటల్లో రిలీజ్ కాబోతోంది. చంద్ర శేఖర్ యేలేటి దర్శకత్వం వహించాడు. రకుల్ ప్రీత్ సింగ్, ప్రియా ప్రకాష్ వారియర్ హీరోయిన్స్ గా నటించారు. ఈ సినిమా మీద భారీగా అంచనాలున్నాయి. చంద్ర శేఖర్ యేలేటి శైలిలో వస్తున్న ఈ సినిమా గ్యారెంటీగా సూపర్ హిట్ అని అందరూ చాలా నమ్మకంగా ఉన్నారు.
అయితే బాక్సాఫీస్ వద్ద చెక్ సినిమాకి చెక్ పెట్టేందుకు దాదాపు 10 సినిమాలు పోటీగా రిలీజ్ కాబోతుండటం ఆసక్తికరం. లేడీ ఓరియెంటెడ్ సినిమాగా రూపొందిన ‘అక్షర’ సినిమా కూడా ఈ శుక్రవారం రిలీజ్ కానుంది. నందితా శ్వేత ప్రధాన పాత్రలో నటించగా బి. చిన్ని కృష్ణ దర్శకత్వం వహించాడు. అలాగే జేడీ చక్రవర్తి నటించిన ’70 ఎమ్ ఎమ్’ అన్న సినిమాకూడా ఈ సినిమా శుక్రవారమే విడుదలవుతోంది. ఇక నటకిరీటి రాజేంద్రప్రసాద్ ప్రధాన పాత్రలో తెరకెక్కిన ‘క్లైమాక్స్’ సినిమా ఈ వారం 27 న రిలీజ్ అవుతోంది.
Nithin : నితిన్ నటించిన ‘చెక్’ తప్ప మిగతా సినిమాల గురించి అంతగా టాక్ లేదు.
అలాగే కమెడియన్ అలీ హీరోగా బాల నాగేశ్వరరావు దర్శకత్వం వహించిన ‘లాయర్ విశ్వనాథ్’ సినిమా కూడా ఈ సినిమాలతో పాటుగా రిలీజ్ కానుంది. అంతేకాదు ‘క్షణక్షణం’ ఫిబ్రవరి 26న విడుదల అవుతోంది. ‘అంగుళీక’, ‘బాలమిత్ర’, ‘నువ్వు నేను ఒక్కటైతే’ లాంటి మీడియం బడ్జెట్ సినిమాలు విడుదల అవుతున్నాయి. ఇక ‘ఏప్రిల్ 28న ఏం జరిగింది?’ అనే సినిమాని ఫిబ్రవరి 27న రిలీజ్ చేస్తున్నారు. ఇలా దాదాపు పది సినిమాలు ఈ నెలాఖరులో విడుదల కాబోతున్నాయి. అయితే వీటిలో నితిన్ నటించిన ‘చెక్’ తప్ప మిగతా సినిమాల గురించి అంతగా టాక్ లేకపోవడం ఆసక్తికరమైన విషయం. చూడాలి మరి ఏ సినిమా ఎలాంటి రిజల్ట్ ని అందుకుంటుందో.